March 10, 2020; Coronavirus (Covid-19) ruangah North Korea ralkap 180 cu an thi cang i, dam lonak hi a thong reng lo nih an ngeihnak le sizung ah an chiahnak kong Daily NK nih a langter.

March 6 ahkhan North Korea sizung lei ralkap hna nih cun COVID-19 zawtnak an kai nak kong hruaitu hna sinah theihter an si nak Daily NK nih alangter. Mah kong a tial mi ahhin January le Febuary thla hna ah khan ralkap 180 an thihnak kong le Ralkap 3,700 hna cu a dang in chiah an si nak kong a chim chih hi a si. Hi hna ralkap pawl hna hi China ramri lei i, North Pyongan, Chagang, Ryanggang le North Hamgyong ah a um mi hna an si tiah an chim.

Tu ahhin ralkap lutlai hna nih Siizung inn ah COVID-19 ruang i a thi mi le hrik a ngei mi hna an dang in an chiah mi pawl cu an sinak dik zoh fel ding in le thawng dang leng chuah lo ding in ralkap hna ruak cu mei in khangh ding in bia an chuah tiah Daily NK nih a langter hi a si.

[The_Sun,10.3.2020]

By Chuncha