An Naupa Min Aung Hlaing Le Rianttuan Ti Hna Hremnak Pek Ding Pawl Russia Nih Dohkalh

An Naupa Min Aung Hlaing Le Rianttuan Ti Hna Hremnak Pek Ding Pawl Russia Nih Dohkalh

Myanmar nawlngaihnak la cungah hremnak pek ding cu Russia nih a cohlan lo nak tu ni ah a chim. Nawl ngiahnak la lu bik Gen.Min Aung Hlaing telh in a tlak ningin ralbawi hna le palek pawl rian ngei hna cu American le British telh in thlanglei ram cheukhat nih hremnak pek le phihkharnak an tuah cang. Cu hlei ah ralkap nih ngaihmi Chawlehhrawl nak ngan a si mi hna cung phihkharnak hremnak an pek cang hna.

Myanmar Soldiers Turn Up at International Criminal Court, Confessing to  Atrocities Against Rohingya — Radio Free Asia

Russia ram hi Myanmar ralkap he pehtlaihnak a tha i March 27 ni ah ral lei hmuhsaknak tonnak cu Russia hmunhimnak lei lubik chang Alexander Fomin a kai, mah ni ah hmunkip ah duhlonak langhter tu cu ral lo kap le palek nih hru hru hrang hrang in mipi an tuah to hna i minung 100 leng nunnak a liam.

Myanmar Soldiers Jailed for Rohingya Killings Freed Early | Time

Mah rallei hmuhsaknak tonnak hmunah Russia sermi T-72 le MiG-29 cunglei vanlawng le Mi-24 ralkap hmanmi vanlawng hna an i tel. UN chungtel ram pakhat a si mi Russia ram cu Myanmar ralkap hriamnam a zuarhtu a biapi bikmi ram pakhat a si, Myanmar ralkap hremnak pek ding cu Taluk le hmun khat in Russia nih a dohkalh ve. VOA

Relchih: Ralkap uknak a rawh nak dingah Kachin Baptist Church 400 renglo nih nifatin in thlacamnak kan ngei lai tiah KBC GS Rev. Dr. Hkalam Samson nih a chim. Thlacamnak cu April 1 khan an thok cang i thla dih tiang zingtin tein tuah a si lai tiah theih a si.

“Voidang ah cun zarhpi ni lawngah thla kan cam. Atu cu kan ram buainak kongah voidang bantukin si loin zingtin tein 7:00 am ah thlacamnak ngei dingin Church kip ah thanhnak kan tuah” tiah Rev. Dr. Hkalam Samson nih cun a chim.

Mah thlakhat chungah hin a karlak ah rawlulh in cam caan zong a um lai. Thlcamnak i an i tinhmi cu Myanmar ah Federal rampi a dir khawh nak hnga, daihnak le zalonnak a um i tlukruannak a ummi ram a si khawh hnga, zeibantuk khongton uknak hmanh a chuah ti nak hnga lo le tlangcungmi dihlak hmunkhat ah lungrual tein kan um khawh nak hnga, ti hna hi an si.

Khatlei in kan zoh ahcun Kachin Baptist Convention pi hi Myanmar mipi leiah kan dir ko ti kan langhter zong a si tiah Rev. Dr. Hkalam Samson nih a chim.

Kachin miphun hna cu anmah Kachin ramkulh lawngah si loin Shan ramkulh, Mandalay le Rangon zongah tampi an um. KBC ahhin Church 430 renglo le milu sing 4 renglo an um. #Myanmar Now

Leave a Reply

Your email address will not be published. Required fields are marked *