Naypyitaw, Zabuthiri, Shwe Kyar Pin sang um National League for Democracy Party zung le chungtel pawl inn ah Party Chairwoman Daw Aung San Suu Kyi nih August 20 zaanlei ah a va leng hna tiah theih asi.

Image may contain: 3 people, people sitting and child

Daw Aung San Suu Kyi he hmunkhat ah NLD Vice Chairman-2 Dr. Zaw Myint Maung, Party teinak hmuhnak caah chungtel asi mi President hlun U Htin Kyaw le Naypyitaw ramṭhen teinak hmuhnak caah chungtel asi mi U Phyo Zeya Thaw (Pyithu Hluttaw chungtel) zong an ra ve.

Image may contain: 6 people, crowd and outdoor

Thimfung thlak le thlak lo mi kong he pehtlai in President hlun U Htin Kyaw nih “kan zapi tein thimfung kan thlak ding asi ko. Zei party theng thlak ti asi lem lo. Mipi vialte ṭuanvo asi i tuah ding thil zong asi. Ram caah thimfung thlak ding forhfial ka duh. NLD ca theng zong asi lo, mizei ca hmanh zong asi lo. Ram caah zapi tein thimfung thlak ding asi” tiah a chim.Hmanthlak:-Chair NLD, Myanmar Now.

Image may contain: 1 person, standing and outdoor

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

As D.N.C. Unfolds, Trump Reprises Grimmest Language of 2016 ...

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha