Atu lio cu US thimnak vote pek lio a si caah hmuh ning chim rel cio a si. US President thimnak cu a biapi hringhran ve caah dai tein um awk a har ngai. Trump hi an i zumh lo bikmi 2016 ah President a hung tling, mi molh pa cu kum khat hmanh a kal pi kho hnga tiah an soisel len nain a term cu a hung dih zau ko cang. 2020 ah termhnihnak pehthan ding in a zuam i, Biden he an i zuam cawh lio a si. Chinmi tam u US phan cia adang ramthumnak a phan cia mi pawl nih cun anmah duhdim tein an um cang nak ram cu ka hei dawt awk a si tiphun in Trump cu Khrifa a si tiin amah a vote mi um pah dawh in an biachim ka ang ah hmuh le theih an si.

Image may contain: 2 people, suit

Laimi cu mah zalonnak hmuh hnu cun midang caah siaherhnak a ngeimi kan si lo ti hi atu tan ah a lang ngai ngai. Mi tam u US a phan tertu a chan lio a thatnak chim cu a duh in kan duh kho ti lo, Chinmi hi a ho President tuan kum ah dah US ram fawi tein kan luh khawh ti zong hi a thatnak pakhat hmanh an chim duh lo i, mi lai upa a lungfim ko tiah ruah mi tiang nih an that lo chim le soisel cu an kaa a thaw bak ko hna. Chinmi nih Trump na vote nak thawng khan President a tling than lai ti hi hna bei a sei lem lo. Nangmah na miphun hawi hna harsatnak he zingzan lungre a theihmi hna ca ah hin na lungkil tal in na ruah duh lo maw? Nangmah zalonnak le miaknak le mi nu mi pa US phan kho hna hlah seh ti bantuk ruahnak a ngeimi hna nih na unau hna na dawt hmasa lo i na hmuh lo mi chin chin cu zeitin dah na dawt lai zumh na um lo hrim.

I ruah tuah uhsih, Malaysia le Delhi um lio cio i ui ek chuak bangin um thiam lo in zeitin dah Ramthumnak ka kal kho ve lai tiah a um thutdirmi longte nan si cio ko kha. US nan hei phan hnu cio cun Trump policy e cu e kha e tiin khua zeimaw vawlei Kili culdih bang in le hei fim bik bang khin kan hei chim sawh cio a si ko cu. Nihin ni ah Trump a kai hnu in Refugee a lak lo ti tluk in a cang hnu ah zarang US um kan Laimi cheukhat cu a lung awi mi kan tam ngai hih. Ruat ko nangmah pumpak chungkhar na hna ngamnak long in thil tuah hi atha tiah nan ruah maw? Ramhnihnak i nan rak harsatmi te kha i philh ter hlah uh. Mi tampi nan dirhmun nan sining kan in hngalh ve ko hna kha. Trump nih thil a tuah mi tampi nan chim ko lai, Chinmi Refugee ca long kan ruah lo, US le Vawlei cung huap in kan cuanh tiphun, vawlei cung hi an fim tuk cang.

US election 2020: President Donald Trump, Democratic nominee Joe Biden set  for first presidential debate today | World News | Zee News

Cu caah US thimnak a biapi mi vote thlaknak ah cun Laimi a kan dawtu le zawn a kan ruah tu, Refugee le chungkhat auhnak a duh tu, minung hi thimfung thlak ko uhsih. zeital kan tuah piak kho hna lo hmanhah Chinmi Malaysia ah thong 50000 le Delhi ah 3000 hrawng a um mi hna kan Laihri tlai pawl an zawn ruah bu tein na vote man ngei te kha vote pek khawh rak i zuam hram ve, mah hi miphun dawt pakhat zong a si ve ko. Mah hi duhfahnak a si caah a ho poah nih thinlung dan tein ka rel piak hram uh. Atang hi Albik Lian Zaathang tialmi kan hrawm chin ve hna, ka uar tuk mi a si caah mi caah dawtnak a ngei mi cabia a si.

American first timi hi ka rak uar tuk nain ka ruah deuhdeuh, thil sining ka zoh deuhdeuh tikah Trump policy ning te cun a si kho lo. Vawlei cung Ram vialte caah nu caan pa caan ah a dirmi America caah a si kho lo. Racist a rak si diam. Trump hi a tling than ko men lai. Nain tukum cu Biden a policy hi ka duh deuh. Ramchung, ramri um Immigrants le refugees dihlak caah a tha mi policy asi.

Image may contain: Al Bik Lian Zathang, text that says 'VOTE MAKE A PLAN'

Ramthumnak kan um cang caah hnangam in ramri um kan miphun le harsami hna dihlak kan philhpiak hna ding asi lo. Chin mi nih online ah an politics kong tial i caan nih a liampi than men ding si loin Immigrants kan cung ah a tak in thil a cang kho hnga ding hi kan ruah deuhding asi cang. Republican ka si nain USA ahcun kan miphun caah a tha deuh mi poh kai tleng ko lai. Biden hi a sungh ding si ko zongah tukum cu kai thim. By Albik Lian Zaathang

By Chuncha

Leave a Reply

Your email address will not be published.