(Reuters) – Kum 40 chungah zinaan barrel pakhat ah $10 tiang hin a tla bal theng lo nain, April 20 i meitha peknak sehzung (energy industry) an dirhmun an hun zoh tikah cun, barrel pakhat ah MINUS $38 bak a tla, ti a si.

Kan hnung thla tlawmpal chung i coronavirus ruangah khuatlawgmi minung billion tampi cu an i choklet ngam ti lo caah le, economy pi zong a tlaktuk hnu, cun raltuknak hrim zong a um lo khan a hung si tik ahcun, zinaan hmangtu hi an tlawmtuk cang. Cu tikah, US nih a chuahmi zinaan lengluangpi cu a hmannak a um ti lo.

Zarhkar, asiloha thla tlawmpal te chung i kan sunghmi vialte hi kumtampi kan renh than hmanh ah fawitein a ruul kho ding kan si ti lo, tiah zinaan chuahnak sehzung lei nih an chim. Nizan i thilsining kan hmuhtonmi nih hin hmeilei kan ton hnga dingmi thil a sining a langhter ko, tiah Independent Petroleum Association of America i economics and international affairs ah vice president a si mi Frederick Lawrence nih a chim.

Chumh rih lo mi zinaan thar kan la ngam ti lo e, tiin pipeline company pawl nih mipi sinah thawng an thanh cang. A sullam cu, nizan in khan cun zinaan khur zong a ningpi in an kar lawlaw, tinak a si cu.

19th century tein vawlei cungah a herhbikmi thil a si mi zinaan pi cu kan hnung zarh in cun man ngei lo dirhmun a hung phan ruangmang ko. Russia hi vawlei cungah zinaan a chuahbik pawl ah ai tel ve i, a tu hi a zinaan pawl zuar ti lo in, a khangh lawlaw in khangh dingah khua a khan ve cang.

Norway nih an i ngeihmi zinaan chuahnak ngan taktak Equinor zong nih cun a thla 3 hmuhmi a miakmi lakin cheuthum ah cheuhnih tiang in a tumchuk ruangmang ve cang. Hmaizarh nih hin vawlei cung zinaan company nganbik Exxon Mobil Corp, BP PLC le Royarl Dutch Shell PLC nih an hmuhmi chawva kong a hun langhter te ko lai. A hlei in an hmanmi vialte tiangin langhter dingah an chimh cang hna i, an miakmi chawva kongah zeibantuk timhlamhnak dah an ngeih, timi cu an company ah chawva in ai telve mi (investors) pawl nih thatein an conh ve hna lai.

US billionaire Harold Hamm’s Continential Resources Inc zong nih cun Oklahoma le North Dakota lei ah a minung pawl a thlah hna i, zinaan khur vialte phih dih dingin a fial cang hna. A tu lio economy dirhmun hi a chiatkhat tuk caah kan chuahmi zinaan cawtu an um kho ti lo, tiin a chim.

Continental Inc nih a chuahmi zinaan hi raltuknak caah le, vanchiat ton, asiloah kokek puicimhnak ton tikah hman dingin an chiahthatmi a si ko nain, a tu bantuk in thawngthanhnak a tuahmi nih mipi a lauter dih hna. A cheu nih cun milung a hneksak duh ruangah a si, tiin an ti salam.

A liamcia kum 100 chungah kan khuaram nih ai ngeihmi phung zulh tein hnatlaknak minsen hi nan thut cio mi a si. Asinain, cu bantuk phung nih a khuhvorh khawh ti lo mi phungthar (boruak) kan ton tikah, thil sining zulh chom in tuah a hau cang, tiah Harold Hamm le midang zong nih an ti cang. Tutan thil kan tonmi hi phung lenglei ah a cawlcangmi a si, tiah Dallas ah hram a bunhmi meitha lei market kongah mifimthiam a si mi Anas Alhajji nih a chim.

US nih Venezuela i zinaan cawh rian a tuan hi kum 100 deng a rau ve cang. Lungtlinnak minsen thut tein an tuahmi a si i, tutan boruah ruangah lawlawse tuan rih lo dingin White House lei zong nih Chevron Corp cu bia an ronh hna.

Vawlei khuati hi tih bak a nung. License nih hin bia a chim tuk ti lem lo e, tiin Venezuela i Western pawl ngeihmi zinaan kong a theitu mipa pakhat nih a chim.

Zinaan a chuahtu vialte pawl hi market nih a kan kut teem dih cang hna. Vawlei pumpi huapin a ram kip le company kip nih lenglei in a rami zinaan paoh cu rak kham dih cio an i tim cang hna. A tam u le bang cu an thok cang.

Organizatioan of the Petroleum Exporting Countries le a ramdang hawi le pawl zong nih 10 million barrels kuat ding zong an i let than cang. Cu ti an phih ko bu zongah cun zinaan man ZERO in a tanglei tiang (MINUS) tla lo dingin an kham kho hlei lo.

Tutan boruah hi a si khawh chungin kan tawlrel lai, tiah Saudi Arabia le a dang OPEC members pawl timhlamhnak an ngei ko nain, a dang i hmaithlak khawhmi an ngei kho ve hlei ti lo. OPEC nih a zinaan chuahmi hi hun maa dih hmanh sehlaw, a hmangtu nakin an chuahcia mi zinaan hi a tam deuh thiamthiam ding khi a si ko rih.

US ah cun ni khat i 600,000 barrels chuah tawnmi kha chuah ti lo dingin khap a si cang. Canada zongah 300,000 bpd zong an khar chih rih. Brazil’s state-run Petrobras zong nih lenglei in an hmuhmi zinaan 200,000 bpd zong an la duh ti lo.

Azerbaijan hi OPEC ah ai telve mi a si i, anih zong avoikhatnak ramdang in a lutmi zinaan cohlan lo dingin BP group pawl cu nawl a hun pek hna. Cu ram pawl i zinaan lei cozah bawi pawl belte cu an cozah cio nih cozah riantuan thlahlawh an zunhmi ah an telh ve hna lo.

Kum 100 lenglo tiang a rau cangmi lungtlinnak lehmah te he hi ram i kan phaak hi 1994 in khan a si i, a tu bantuk in thil kan tuah bal hrimhrim lo, tiin Azeri official pakhat nih Reuters ah a chim.

Vawleipi hi zinaan chiahnak ai phazo ti lo bantuk a si cang. Vawlei cung zinaan khonnak hmunhma hna hi buaktlakin 85% an khat manh colh dih cang hna, tiah energy lei a dothlattu Kpler nih achim.

April chungah hin mipi nih zinaan an herhzat hi 29 million bpd tiang a tla vurmar lai, tiah International Energy Agency nih an chim. May thla in cun an hun hman deuh cang ko lai, tiin Paris-baed IEC nih cun a chim ve. Asinain, kum khat hnu kum khat 12 million bpd tluk hi a tlak lei a panh ko cang, tiin research tuahtu pawl nih an chim.

Ni khat ah zinaan kan hman 20 in 30 miilion barrels a tumtuk ti ka theih ko. A hmannak hi cak ngaiin a karhso ve tung lo ah cun, zinaan khonnak chungah zeizat dah a um, ti hi thei u law cu nan khuaruah a har ve ko lai, tiin Gene McGillian nih a chim.

Credit: Cheasel Bawi

By Chuncha