Nai hrawnghrang i raltuknak tilawng vialte lakah mit thlangbikmi cu USS Zumwalt hi a si i, raal nih an kahmi missile a hrawktu tinbaw a si i, nihin tiangah a thabikmi raltuknak tilawng a si. Zumwalt, Monsoor le Johnson timi Destroyer tilawng 3 hi radar nih tlaih khawh lo mi, raal pawl sining hlathlai a thawng taktakmi le cak taktak in a tli kho mi le drones le helicopters pawl i hman i rili ah hmual a ngei taktakmi ralhriamnaam a si.

The New $3B USS Zumwalt Is a Stealthy Oddity That May Already Be a ...

Zumwalts i a man le ai kenmi a hriamnaam kongah i alhnialnak tete a um caah, a thar in timhlamh than dingin US Navy nih nawlnak an tuah. Ai thupmi raal pawl an tilawng hrawktu dingah an herh caah a si. Zumwalt kong kan theihmi vial cu a tanglei bang hin a si:

Zumwalt-Class Destroyers pawl an Thawhkehnak: Zumwalt-class destroyers an tuanbia hi 1990 hrawngin khan ai thok cang. 1980 hrawngah khan cun WWII-vintage Iowa-class raltuknak tilawng pawl 4 an tharchuah than hna i, rian an tuanter than hna. Marine Corps pawl an meithal ngan pipi pawl he ralram an kal tikah bawmchantu dingah an tuanter mi hna a si. Cold War a dih hnu cun cu tilawng 4 cu minung thazaang zong tamtuk hman a haumi a si pin ah riantuanter tikah chawva a dih tuk caah an hnon than hna.

Destroyer Zumwalt breaks down and gets tow in Panama Canal

Rili cung raltuk tikah teinak a pe khotu tilawng ah an bunhmi Mk 45 5-inch guns nih ai a rolhmi firepower pawl an sungh caah Marine Corps an ngaih a chia ngaingai. Mk 45 guns pawl hi khulrangtein zuun tampi a kap kho ko nain, lamhlaa a kap kho ve lo caah, Iowa battleship ah an bunhmi a thawng taktakmi 9 16-inch gun pawl cu a tluk hrimhrim hna lo. Cucaah, lamhla a kap kho i a thaa zong a thawngmi 9 16-inch gun tu cu phundang deuh tal zong in tuahtam u law tilawng pawl ah vun kan bunhpiak ko u, tiin Marine lei nih nawlnak an tuah.

9/11 terrorist attack hnu khan cun terorist pawl doh dingah raltu kho dirhmun kan phaan cang ko ne hi teh, tiah Navy nih an i ruah cang caah, meithal ngan bunh ding lawng an mit a thi cang i, Lamhla a kap khomi miakpi lawnglawng nih rili in ai hlaatnak ah a ummi terrorist pawl an hmunhma khuarnak, an camps, hriamnaam chiahnak pawl a hrawh khawh pinah, Marines pawl caah rili beach pawl a kahpiak khawh rih fawn hna lai.

Zumwalts an Ser Ning Kong: A thawng taktakmi raltuknak tilawng ser dingin Navy le a sehzung riantuan hram an i thok. Tilawng a kaphnih ah 155-milimeter tluk a saumi Advanced Gun Systems (AGS) siseh, khulrang tein zun tampi a kap khomi 6-inch guns pawl siseh, cun Long Range Land Attack (LRLAP) projectile zong an bunh hna.

Cuhlan an hmanmi meithal pawl hi cu an kahmi kuanfang hi an i tinhnak hmun le hma a phaak hlan lo zun dang an puah kho colh thitha tawn lo. Asinain, LRLAP belte hi cu rili in meng 83 tiang avoikhatnak kah bak ah a phaak khawh colh lai. Aman hi kuan khat ah $50,000 a si. 16-inch battleship shell tlukin Iowa battleship ah an bunhmi 6-inch shells pawl hi khulrang tein kah colh khawh a si ve lo nain, LRLAP nih cun a kahmi kuanfang paoh nih ai tinhnak a khen khawh lai. AGS hi minute 1 chungah zun 10 a kap kho i, a kahmi zong hi thatein an control khawh cang.

USS Zumwalt beaks down, towed in the Panama Canal - Business Insider

Zumwalt tilawng ah tuahtamh a hau rihmi vialte cu lim lawlaw dingin Navy nih khua an khan. Arleigh Burke-class destroyers hi destroyer tilawng run pawl lakah suutung bang an i bochanmi a si i, raal pawl nih an hmanmi radar hnahnawh a pe khotu tilawng hmasabik a si. Zumwalt-class tilawng pawl belte cu radar tlawmte lawng ai hmanmi tilawng si dingin an suaisammi a si.

AGS pahnih cu pee 31.5 a saumi miethal kuang cu ral pawl a kah hlan chung pah lenglang in a chia lo.
Tilawng ah hin hlei a um, tung ngan pipi an um, radars an um, thawngpang ngaihnak seh a um, cun a dangdang electronics thil zong an um. Asinine, hi ti vun zoh ah cun a hluumpi in a ummi innsangpi muisam a keng i, a milmaam ngaimi le ai rual dihmi kil 6 lawng ai ngeih. Pee 610 tluk in a sau mi tilawng pi cu ngatlaihnak tilawng tia lawng in midang nih hmuh khawh dingin ai tuah (a radar hmanmi a hmete).

Zumwalt arrives in Pearl Harbor, a first for the guided missile ...

Zumalts pawl nih zeitindah an thazaang hi an i laak ning a si

Destroyers pawl hi a thar in serchuahmi power system bunhmi an si. Integrated Power System (IPS) ah hin Rolls-Royce MT-30 generators 2 an bunh i, rili cung kal khawhnak dingah Boeing 777 jet pi hman cungah a zuanter khotu engine thazaang an bunh. Engine pakhat nih hin 34.5 megawatts veve an chuahter. Cun, Rolls Royce RR4500 generators 2 baak an bunh rih chap i 3.9 megawatts veve an chuahter.

IPS pahnih fonh in an chuahtermi thazaang hi 78 megawatts a si i, American khuasaknak inn 50,700 tluk cu mei a pek khawh, tinak a si. Meitha a hmannak pawl cu a hriamnaam caah siseh, a computer caah siseh, cakdeuh i a tlik khawhnak hnga le zeiti maw i chuahsual caan i lifeboat a herh te ding ca zongah an hman. ZUmwalts hi titlaang raltuknak caah ser an si ko nain, rili cung tilawng pawl hrawktu ding zongah an tuahtamhmi tilawng a si. 80 Mark 57 vertical launch systems an bunh i, SM-2, SM-6, le Evolved Sea Sparrow air defense missiles, le ASROC anti-submarine rockets le LRASM anti-ship missiles an i bunh chih hna.

After Only 3 Years in Service, the USS Zumwalt's Mission Is Changing

Missiles an kah tikah tilawng a kampawng pawl a kangh sual nak hnga lo, a pum te pi in an tuam dih. A tung zawn in a ummi a lianthang (silos) pi hi tilawng nih an tinhmi rian a tuanter khawh lawng si lo in, raal pawl an vanlawng le kuanfang kham khawh ding zong in an tuam. Cun, meng 1000 hlaat ah a ummi target pawl zong siseh, submarine tiang zong pil lakin kah khawhnak thazaang zong ai ngeih fawn.

Tilawng a cunglei le a tuang lei ah khuahmuh khawhnak computer system a um. AN/SPY-3 Multi Function Radar hi X-band bak a si i, meng 200 hlat tiang a hlathlat khomi radar ai ngeih. Submarine le rili taichung ah a kalmi kuanfang pawl a hman a thla khotu seh zong an bunh.

Ai kenmi meithal lakah a hmual a faak taktakmi cu Marh 46 30-millimeter rapid fire guns an si i, drones, raltuknak vanlawng hme pawl le tilawng hmetete a kaptu a si. MH-60R Seahawk helicopters le MQ-8C Fire Scout drones pawl tumnak hmunhma zong ai ngeih. Tilawng ah an bunhmi pangkaa hi pee 18 tluk in a saang i, 33 knots tluk cak in tilawng hi a tli kho.

Zumwalt Program a Tumchuknak

Design an suainak hi kum tampi a rau cang ko nain, hi tilawng sernak rian ah hin buaibainak nganpi a um. Navy nih hin Zumwalt tilawng 32 ser an duh. Asinain, a ser man a tamtuk ruangah tlawmdeuh te lawng ser dingin bia an chah than. Elmo Zumwalt, Michale Monsoor le Lyndon B. Johnson vial lawng an ser hna. Zumwalt sernak ah hin $23 billion a dih i, tilawng pakhat ser man ah $7.8 billion tluk hrawng a dih. Cucu, aircraft carrier pakhat ser man i a hnarcheu tluk hrawng a si. Tilawng milut an thumh caah Advanced Gun System bunhnak rian zong a hnursuan dih. LRLAP bunh man hi cuhlan ah cun $50,000 hrawng lawng a si ko nain, nehhnu ah cun $800,000 tiang a vung phan. Missile pakhat lawng i dollar million pakhat deng a dih ding cu Pentagon chei ding a si ti lo caah, ai dengdeuh in hmuh khawhnak lam lawng Navy nih a kawl cang. A tu le bangah cun kah dingmi kuanfang hmanh ai ngeih ti lo.

USS Zumwalt (DDG-1000) Guided-Missile Stealth Destroyer Warship

Cu bangin harnak a tongmi tilawng pawl cu 3 an si i, an kah tikah an duh ningin an i tinhmi hmun le hma an kheng kho ti lo. Ral pawl nih an kan kah hlan i mah le mah i ven khawhnak thazaang ngeih hi kah herh tuk ko nain, nihin tiangah cun cu thazaang cu kan i ngeih kho thitha rih lo, tiah Navy lei nih an chim. A poituk rih mi cu, China nih cun le a navy thazaang a tuahtamh chinchin cang. Cu caah, meithal ngan ngeih lawng kan i za ti lo. Zumwalt an ser le an tuahtamh chung hi a sautuk cang le, sairaang (vui raang) pi ko a lo cang. Zumwalts sernak kongah khuakhannak i let ah a tha lai, ti tiang in an rak ti phah. A tu belte ah cun Maritime Strike Tomahawk missile ai ken. Pound 1000 a ritmi a buak khomi bom in ralkap tilawng hi thek viar in a kah khawh. MST nih hin meng 1000 hlatnak ah a ummi titlaang le rili cung target pawl hi a kah khawh hna.

Inside the USS Zumwalt - Animagraffs

Cu hriamnaam thar an bunh pinah cun, rili cungah an hman bal bak lo mi laser hriamnaam zong bunh an timh cang. China tilawng Type 055 missile cruiser bantuk taitai cu pil lakin a kap kho lai lo nain, 150-kilowatt laser nih cun tilawng hme mi, vanlawng hme pawl le rili tii cung zulh in an kahmi missile pawl cu a kah khawh hna lai.Meithal ai bunhmi tilawng bantuk si lo in, laser meithal ai hmanmi tilawng hi cu voikhat kah ah dollar tam dih hau lo a si cang lai. A laser kuanfang pawl hi tilawng ah an hmanmi electric power nih a chuahpi mi a si.Saitum ngaw an i tinhmi tilawng cu chizawh ngaw hrawng lawngah ai chuah. Asinain, hmailei i bunh an timh hriamnaam pawl railguns le laser gun pawl hi an bunh khawh tikah cun vawlei cungah tih a nungbikmi tilawng an si ko lai. Tilawng pathum ai i hmuitinh cuahmah lio pi a si.

Credit:Chelsea Bawi

By Chuncha