AlertRalokap Vanlawng Thantlang peng ah ai chok.

AlertRalokap Vanlawng Thantlang peng ah ai chok.

AlertRalokap Vanlawng Thantlang peng ah ai chok. Cucaah Thantlang khua le Thantlang peng mizapi a herh lo ah leng ah chuak lo in a himnak tlakrawh inn tang deuh ah um rih ulaw!!! Credit: TRC. Bawipa nih Thantlang khua himnak pe hram ko seh.

Nizan Thawngpang: Thantlang khua mipi caah innka kau pi kan on peng ko mu: By : Sung Sung, Than tlang khua chung ah tar nu tar pa hna le nu nau rual pasal le hna le fanu fa pa hna nih CDF chungah nunnak pek in riantuan tak mi nulepa le nu nausem ngei hna khua te lei ah i dor chung a duh ve ko na in dor nak ngeilo mi hna kan um sual maw saisih chuak Bung tlang khua ah kan run inn nih an hngah ko hna. nan caah kut ka kaupi in a awng zungzal ko mu.

May be an image of cloud and mountain

zeitik ni caan paoh ah chunah maw, zing ah maw, zaan zongah inn ka awnh nan si. kan run in chung i a um mi bel kheng hna le ih phah puan vorh ei din awk a um chun mi dih lak hi nan ca zong a si ve. Hrilhfiah: Bungtlang khua hi thantlang peng mizo ram le kawlram ramri pangkhua phak hlan i a um mi khua pakhat a si. Note: mah hi a mah sungsung hnatlaknak in tar mi a si.

Thantlang khua chung ah bomb thawng 6,7 le meithal aw voi 5 hrawng a thang. Thantlang mipi caah thlacam bawm cio hna usih. 9:05pm. Credit: Thantlang Times. Relchap Nihin, Thantlang khuachung ah CDF le ralhrang kahdohnak ah ralhrang lei nih mipi zawnruahnak a pelte hmanh um lo in duhpoh in hriamnam an hman caah mipi lei in hliamtuar mi pali an um lawng si lo in bomb ruang ah inn pakhat zong a kangh chih. Cu lawng si lo in inn zeimawzat a rawk mi a um.

 

No photo description available.

Nihin thil cang a tuar mi vialte hna, dothleng mino nih kan in tuarpi tuk ve hna. Kan lung a tha hrimhrim lo. Aho cio zong nih thlacamnak in bawm cio hna usih! Atulio ralhrang rallokap cawlcanghnak chiahru le ral boruak ruang ah kan bochan mi CDF nih hrial awk tha lo in an kah ve mi hna a si caah hi boruak a siamtu ralhrang hi ahohmanh nih lung tthul lo in doti rih ko hna usih! Hliamhma tuar mi vialte Bawipa nih dam tuannak in pe hram hna seh! Inn lo kangh-uh a tong mi chungkhar Bawipa nih in hnem hna sehlaw nan tuarnak in theihpi ko hna seh! Bawipa nih thawnnak kan pe cio ko seh! TRC

Nizan Halkha le Thantlang karlak ah Ralhrang minung 10 an thi. Minung tam nawn an i hliam. CDF/CNA an him dih. fact: kan ralkap pakhat chimmi. Relchap: Hakha-Thantlang kar Kahdohnak ah SAC Ralhrang Mithi/Hliampu an Tam: Nizaan (September 6) zaanlei sml. 5:00 le sml. 6:00 karlak ah Hakha le Thantlang karlak ah CDF le SAC ralhrang karlak kahdohnak a chuak i SAC ralhrang lei hliampu/mithi an tam, tiah thawng kan theih.

Hakha le Thantlang karlak ramlak Nengrang timi hmun ah SAC ralhrang pawl riahbuk an sual lio ah CDF nih an kah hna i ralhrang 15 cung hliampu le mithi an um lai, tiah an zumh. CDF lei in hliampu/mithi an um lo. Nizaan kahdohnak kong he pehtlai in CDF nih thawngthanhnak an tuahmi a um rih lo. Credit: The Chin Journal, September 7, Hakha

Donald Trump an rak huat tuknak a ruang: Donald Trump nih US President ah thim ka si ahcun thlahlawh(lakkhah) ka cohlang lai lo a ti bantuk te in president ahcun thim a hung si I thlahlawh cu a la taktak lo. (Donald J Trump: “If I’m elected president, I’m accepting no salary.”) US an phunghrampi ning in a tlawmbik kumkhat lahkhah $1 tal lak a hauh caah a rian in aa dinh ni tiang thlathlawh cu kum khat ah $1 te lawng a si. Kumkhat $400,000 hmuh ding a si nain an a rammi caah a hlut dih. Pasal, a biakam cu a tlinh.

Trump hi US president a ṭuan balmi le Politician a silomi ahcun thiltikho ngaimi a si. US ram Chawleh chawhrawlnak( economy )ah ramdang nih a lonh laimi hi a rak duh hrimhrim lo.W Bush le Bill Clinton in Obama chan tiang ah US ram chungah Economy tlukhram aa thawk mi cu sersiam ṭhan ding in a tlangaupimi US ram lianngan ṭhan seh timi cu a tak in a liannganter ṭhannak ding ah A campaign lio tein ‘ka tuah lai’ a timi cu ralṭha ngaiin a tuah hna , Chungkuh nih mi a seh hna ahcun a thlah duh ti hna lo, tiah an ti bantukin aa timhmi cu tlamtlinter hram aa zuam. A rammi a dawttuk hna caah American cu pakhatnak ah a chiah i (American first) tiah a ti zungzal. A biachim bantuk in forience policy tamlakte a thlen. Ramdang bawmhnak US nih a pek tawnmi tampi cu a zuh ṭhan. Ram chungmi kan paw a khimmi hmasat hi a herh bikmi a si, tiah a ti. Paralṭha le diknak lawng a duhmi a si caah dik lonak in eihmuar pah in ramhruaitu si a duhmi nih cun an rem bak lo.

See the source image

 

Khrihfa tampi nih Trump an tanhnak le thla an campiak tawn mi hi amah an uartuk caah siloin Bible ningin ramhruainak ah kalpi a duhmi a si i a tuahsernak an hmuh an theih tikah an uar khunnak a si.. US tuanbia ah amah bantukin langhngan in pastorte le evangelist minthang hna nih president an komhkhawhmi le thla an campiakmi an um bal rih lo. Amah hrimhrim Pathian aa bochanmi a si I a biachiam donghnak ah ‘Pathian nih thlua in chuah hna seh! Pathian nih America thluachuahnak pe seh’ tiah a biachimnak a donghter tawn. Rev. Billy Graham zong a thih lioah sunglawi taktak in a ruak thlahnak(funeral service) a tuahter hna. Donald Trump pei a hngah ko hi ti zong in an rak ti phah.

Biaknaklei, zumhnak ah Pathian aa bochan ning le a thiltuah mi 1.President hlun OBAMA nih Whitehouse ah Muslim pawl tluanhnak ah innkhan pakhat chungah nikhat ah voinga tiang thla an camnak caah a rak tuahter hna . Cucu Donald Trump President a hun si in White house i Muslim thlacamnak khan ah a ummi zuklem,hmanthlak, banner, Pagan zuklem paohpaoh cu a hlonhter dih hna I a thianhter dih hna. ‘Hi Innrangpi(Whitehouse hi Khrihfami hna nih khrihfami sinak lungput in an rak derhmi le sakmi a si caah Khrihfami hna nih Pathian an biaknak thilri lawng a um ding a si’ a ti.

2.Innrangpi(White house) a um tawmpal ah Pastor rual le Pathian rianthiang rianṭuantu hna cu a umnak Whitehouse ah a rak ra I, Bia Iruahṭinak an ngei . Pastor John Cray nih hramthawknak thla a rak cam. John Gray hi Minak Pastor a si I anmah minak miphun nih Whitehouse I a va kal I Trump sinah a va kalve mi cu a miphun hawi minak pawl nih an thangchiat ngaingai. 3.White house ah hin zarhfatinte ((weekly prayer session) thlacamnak a um i I pastor Ralph Drollinger nih a hruai tawn hna. Donald trump Zarhpini caan lawng a ngeih ah cun a telpi tawn hna.

4.Donald Trump hi Khrihfa a sinak a zahpi lo I, Khrihfa a sinak cu zapi theih ding in a bible cu a hler tawn. 5.American first & Make America great a gain, America rammi caah pakhatnak tiah aa hmaithlakmi cu amah fimnak lawng in kalpi khawh dingin aa zumh lo caah Pathian mi hna Pastorte le Evangelist hna he innkharkhumh in thlacamnak le ramsersiamnak kong a ceihṭinak an ngei tawn. (Media pawl tel a duh hna lo)

6.Amenrican pastor Andrew Brunson cu Turkey ram cozah nih ramkhelnak lei he aa pehtlaimi a si tiah sual an puh I, kum hnih cung thong an thlak. Donald Trump nih nan thlah lo ahcun nan ram sipauzi(sanction) phihkham a si lai tiah a rak ti hna. Turkey nih zeihmanh ah a rel lo caah sipuazi cu a phih taktak hna. Andrew Brunson cu 12 Aug 2018 ah Biaceih zung ah chuahpi a si I luatter a si hnu ah dam tein US a phan ṭhan

7.North Korea ah USA mi US pastor Kim Dong Chul le midang 2 an tlaihmi hna zong a thlahter hna I US ram ah dam tein an rak phan ṭhan. 8.Donald Trump nih khrihfa ram a rak nehsawhtawntu ram 19 cu ralrinnak a pek hna. 9.27 August 2018 ah US Evangelist pawl cu rawl Ei ṭinak a sawm hna I cu hnuah vawlei cung khuazakip in Pastor cheukhat hna le hremnak a rak tongmi nih a Oval Office ah an rak ton. Ram 126 hrawng an si.

Cu ahcun Afarica ram I nau a pawi liomi Muslim in khrihfa zumhnak ah aa thlen caah thih hlanlo thongthlak ding an rak timi Meriam Ibrahim te hna le North korea ah Pastor thong an rak thlakmi zong an I tel. 10.Miphun caah thlacamni cu 5 July 2020 ah(National Day of prayer) thlacamnak a tuah. Obama chan (2009–2017) tiangah voikhat hmanh Whitehouse ah nisunglawi (Event )a tuah bal lo.

Theihpeng ding ah: Donald Trump biachimmi “ America president ka simi hi mi zeimawzat nih an rak ṭuanbal cang mi a si I, ka dirhmun a niam lio I ka tuankawlnak le ka rum hnuah ka tuankawlnak zong mi tampi nih an rak ton cang mi le an rak ngeih cia cangmi a si I, aa porhlaw I aa uah ngam ding ka si lo. Van le Vawlei ah a Bawibikmi a fa si hi I lunghmui in hngangampi tlak cu a si’’. Tiah a ti.

Donald Trump hi Pathian nih US ram ca lawng siloin vawleicung khrihfa hna nih namnehnak le hremnak an in nak chungin chanhchuah a duh hna caah a thimmi a si tihi philh awk a ṭha lo. Donal Trump hi zeiruang ko dah dah hiti tluk hin an huat Hnga??? A bik in Democratic party nih,, A tlangpi in cuanhnak (overall) Donal Trump hi mirum (Business man ) a si caah ngeihchiah chawva ah a buai lomi pa a si. US I mifim mithiam mirum milian hna mihmai zoh le media pawl tluanh in biachim aa tim bal bo. Fanghlang(frank) in biachim a hman caah a rem lomi an tam.

Amah le mah aa zum(self confident a ngei) . Mirum mingei hna le media hna nih USA ram chukcho ah an mawnghmi le US ram sipauzi(economy) tluk/tlak hram aa thawk cang timi a hmuh tikah ramkhelmi( politician) zong a si lo nain US ram a dawt caah president caah 2016 thimnak ah sawmnak a don mi cu a cohlan I president candidate dingin a rak I pe ve. Pathian thawng in a rak tling taktak. Hmaitonh(confront) colh hna ding le pah chih hna ding hi a rak hmuh cia dih mi a si. Media ngan hna chawva an duhning in(contact) a pe hna lo, media ngan le hme thleidang loin fund in aa tluk cio in a pek hna. Cucaah media ngan hna a lung an lung a tling kho lo.Anmah Media hmang in mipi nih cawisan le hlawrh zong aa tim bal lo.

Mirum cia a si caah ziknawh khawh a si lo I ziknawh hrimhrim a doh.Mingei le mirum mi hna he hawikomh le va I nuamhṭi nakin Pastor le Evangelist hna he tirawl eiṭi tonbiaruah a duh deuh. President a sile cangka in media cheukhat nih an doh colh.US president a rak ṭuanbalmi W .Bush, Bill Cliton le Obama nih Jerusalem cu Isreal ram khuapi(capital city) ah kan phuan(declare) lai tiah, an ka cun an ti len nain an rak ngamh taktak lo. Vawlei ralpi a tho lai tiah an rak ti. Donald Trump nih aho mithmai zoh loin Isreal prime minister Benjamin Netanyahu he hnatlaknak in Jerusalem cu Isreal ram khualipi a si tiah thawng a thanh I US embassy Tel Aviv ah ummi cu Jerusalem ah a ṭhial . Zei ral hmanh a tho hlei lo. Isreal ram kiangkap I a um ram 5 tu hna nih Isreal he remdaihnak le chawleh chawhrawl ṭinak hnatlaknak tu an tuah lehlam.

A Tluknak hrampi: Dawtu zaazat, huatu zaazat an ti bang, anmah Republican party chung zongin US president a rak ṭuanbal cang mi George W Bush nih Trump cu funtomtu si lo in ṭhiotu,ṭhektu a si tiah a rak ti bal ve. 2016 lio US thimnak zong ah amah le a nupi nih president ah a tling bal lai lo tiah an rak ruah caah vote an rak pe lo. 2020 thimnak zong ah vote an rak pe lo. Atu tiang a pumpak bak in a huat beh.

Tutan thimnak(Election) zong ah Amah Trump leikap parti khat Republican lila chung zongin ram a hruaining le kalpining(administration) hi a hna a tla lomi le amah Trump a rak duh lomi an rak um len ve. Cu hna cu Conservative taktak si loin Liberal lei deuh mi an rak si. Zu zong din pah, Biakinn zong ah I pumh pah, Biaknak cu fellowship nak sawhsah le nuamhnak ca men ah a ruatmi caah cun a dingfel mi Donald Trump cu zawnglak ah ngau kaang bantuk a si ko cang.

Donald Trump nih reng sang ah a chiahmi hna hmanh amah bia eltu le dohtu lila ah an hung I chuah. An party chungah China ah business a ngeimi zong a um I China timi a vun chim ah cun an celh lo. Trump nih hihnu kum li chung US a hruai rih laimi hi an ruah tikah rengsang le mipical,langsar deuh mi hna an lungre a thei I hruaitu siṭhan dingin an duh ti lo. President ṭuanṭhan (Peh)ding ah aa tlak ti lo an ti. Minung 60 leng nih an lungretheihnak cu hitihin statement chung ah an langhter(“We are profoundly concerned about our nation’s security and standing in the world under the leadership of Donald Trump. The President has demonstrated that he is dangerously unfit to serve another term.” Tiah an ṭial.

Thimnak a si laite ahcun Trump dodaltu minung 120 hrawng ah an hun I chap. Hi hna I an rian ṭuannak cu a tanglei lanhtermi Department kip ah a ṭuan liomi an si.. 1Cabinet-level officials, 2 Defense Department officials, 3 Homeland Security Department officials, 4 Intelligence Community officials, 5 Justice Department officials, 6 State Department officials, 7 Treasury Department officials, 8 White House officials

9.Senators, 10.State governor le a Dangdang hna chung in an si. Hi hna pinah hin US thawngzamhtu Media ngan hna nih a ṭhatnak Pakhatte hmanh langhter le chimphuanpiak loin amah thangchiatnak le a tlak khawhnak ding le US mipi nih an duh tilonak ding lawng in thawngzamhnak an tuah. Mifanaupa Kehorh hnuhmai in an hun doh I amah nih bawmtu ah aa chiahmi hna zong nih amah lila tluknak ding ah a tha an hun chah chih ve tikah cun a pur ruangmang ve ko.

Trump a thiltuahmi tampi lakah an huat khunnak a ruang cheukhat: 1.US Ramkulh pinye 50 ah Nu le nu,Pa le pa(Same Sex) iṭhitumkhawhnak cu Khrihfa Biaknak phunghe aa kalh tiah a ti caah Pastorte nih ngeihkhat ṭhihumh a cohlang lomi nih harnak le tazacuai an ton tikah a dirkamh hna I, Tazacuai khawh ti hna lo ding in phung a ser. 2.Nauhrawh, nauthah a duh lo caah cozah nih phung ah an rak ser cangmi a hrawh ṭhan I nau hrawh/thahnak ah fund an rak pek tawn mi hna cu a phih dih. Cu le cangka, nu tampi le mi tampi nih an huat chinchin. A bik in Hlasakthiam minthang (celebrities) pawl nih an huatning a zual. Doih le aih a thiammi nih hehchet tiah an doih an aih, a sinain a doih kho lo.

3.I chuahpimi nu le pa(gender) sinak aa lungsak lo I Nu sinak in pa sinak ah I thlen,Nu sinak in pa sinak I thlen a duhmi caah dirhmun ṭha a pe ti hna lo. (LGBT) lesbian, gay, bisexual, transgender nih US ralkap si an duh zong ah ralkap ah luhkhawhnak nawl a onh hna lo. 4.(LGBT) pawl nih an thantar (rainbow flag) cu whitehouse ah thlaiter dingah an nor len nain Trump nih ‘white house ah US thantar lawng a um ding a si’ tiah a ti hna.

5.Phungninglo in US ram luh a duh lo. Ramri biatak tein a conghter hna.(boarder security ṭhate in ralkap nih an congh) 6.Biaknak kip ah Tax lak ding in Obama nih phung ah a rak sermi cu a tak in an hman manh hlan deuhah Trump hi president ah thim a si I, Obama nih phungah ser a timhmi cu a hrawh ṭhan.US Private sianginn le lengah thlacamnak an ngeih tawnmi cu Obama admin nih cun cam ti lo dingin an rak timi cu Trump nih thlacamnak ngeih ṭhan ding in a ti hna.

7.2017 ah Muslim ram 7 US ah luh a sianh hna lo. Iran,Iraq, Libya, Somalia,Sudan, Syria, le Yemen an si.Trump hi 2020 election ah tling ṭhan seh law US ah Belarus, Erictia, Kyrgyzstan, Myanmar, Nigeria, Sudan le Tanzannia ram hna hi pem le luhter hna lo dingah an ti cangmi a si, 8.Ramdang he pehtlaihnak le rianṭuanṭinak cu a lungduhning a si lo cun pehtlaihnak a chah ko hna. 9.Ramkhat le ramkhat I tukdohnak a um tikah US Nih khatlei le khatlei a ralthuam an zuarh tawn hna . Asinain Donald Trump nih cun remdaihnak lei in riantuanti a duh. US ralkap pakhat thih lai zong a siang lo.

Donald Trump a huatu hna nih zeidah a cungah tlung seh ti an duh? (a)A rian in dinhter(hlonh) (b)Thonginn vampang muaiter an duh. (c) Mikip nih hua hna seh tiah a kong a diklo ningin thawng an thanh piak. A thilṭha tuah mi an phuanpiak duh lo. (d) Zeitik hmanh ah US preisident si kho ti hlah seh ti an duh. Donald Trump cu an huatnak a zual deuhdeuh a dawttu an karh deuhdeuh, a thang an chiat deuhdeuh a min an thanter deuhdeuh.

Biadonghnak: Bawlung chuih a cawng lomi,a thiam lomi cu bawlung chuih a cawngmi le a thiammi hna he bawilung an chuihṭi tikah a cawnglomi hrat cu aa palhnak le aa chuihpahnak a um len ko lai. Politician a si ve lo tikah politician hna he rian an ṭuanṭinak ah aa palhnak cu a um len ve ko lai. (Chinnet pa bia) Donald Trump a term chungah kan umnak ram chungah nuamte in khua kansa, hngangam tein khual kan tlawng,raltuknak le raldohnak a dai.

Donald Trump cu zei bantuk I an huat i an doh, an tihraam len zong anih nih cun: “ Annih nih cun keimah le ka chungle cu lih phunphun in a kan cheh te lai ti hi ka theih ciami a si. Cawlcang kholoin ṭem an ka timhnak cu zeithil hmanh nih a kham kho hna lai lo ti zong ka hngalh ko. Asinain hiti i an ka dohnak hi, a herh lo tiang in fih nun laimi hi cu ka rak thei cia lo. Hi tluk in feizum le lung bantukin in an ka dohnak an ka chehnak vialte hi nanmah(US mipi) caah cun kaa in peng ko lai I hihi cu kan ram kan lak khawhṭhannak i cawlcanghnak caah kaa in peng rih ko lai” tiah a ti.

Donald Trump( Last day) Inn rangpi in a chuah I an khualei panh ding in helicopter lei a panh lioah “ we love you, Trump we will miss you, Please come back” ‘ Trump kan in dawt tuk, kan in ngai tuk lai, Zaangfahnak in rung kir ṭhan te mu’ tiah an au hnawh mi mipi auaw vialte kha hnathlam ah a caam zungzal ko lai. Donald Trump riantuannak ah US Le Vawleicung mi vialte caah thilṭha a tuahmi, zeitluk in dah an uar, cun khatlei in an huattuk ruang I a sual an kawlnak, a thluak a hman lo tiah a thluak an test ternak te hna, lih le hrokhrawl in an teinak le Media pawl le US mirum hna nih an tuahtoning te hna kan ṭial cawk lai lo, kan thei cawk lomi a tam tuk rih lai. A thilṭha tuahmi Facebook ah Salai Lai Ram Thang nih a ṭialmi tampi a um rih, kan ṭialcawk lai lo.Caan zong tampi pek a hauh caah Make America again timi cauk ah tling tein aa Tial ko I, a seihwinsa(interested) mi nih relkhawh a si.

Pu Biden a tuanbia a ṭial liopi a si I, zeitiang dah a kan ṭialpiak khawh ve te hnga? Careltu nan cungah kaa lawm. Laknak (references) You tube : Donald J. Trump: The Long Road to the White House (1980 – 2017) :The mizo official chanel: Chin Net, Google : The Real Reason They Hate Trump, :Why Evangelicals Love Donald Trump, :Trump portrays himself as defender of faith for. evangelicals. Catialtu: Ngun Awr

Leave a Reply

Your email address will not be published. Required fields are marked *