China he an ramri a chunglei deuh ah a vak i a tlau behmi India rammi minung 5 cu China nih an tlaih hna i, India lei ah a kirter than cang hna, tiah India defence ministry nih a chim. Mino 5 hi tu thla chung i a tlaumi an si. Anih ramvai an si i, i ruah lo piin China ramri chunglei ah an vung pial sual, tiin India lei nih a chim. Asinain, China lei belte nih an tlaihmi India minung 5 chuah an sinak kong fehternak a tuah rih lo.

Tense India-China border raises fears of inadvertent escalation | Asia| An  in-depth look at news from across the continent | DW | 09.09.2020

June thla ahkhan China le India ralkap pawl fak taktakin an buai hnu in kaphnih karlak buaibainak a linsa ngaingai. Kan mino 5 hna cu ram an vaih lio ah ruahpaklo piin kan ramri lanh in China lei ah an vung pial sual. A tu bantuk i ramvaih ruang i ramdang an hmun le an ram lei tiang vung phak sual hi a um pah lengmang mi thil a si. Anmah lei zong an hung pial sual pah tawn ko, tiin India ralkap lei i aiawhbiachimtu nih Saturday ah a chim.

India-China border tension: No outcome of 4-hour commander-level talks;  Indian Army on high alert -

China lei in hi hna pawl kongah official tein chim a um rih theng lo nain, min an langhter lo mi security source pakhat sinin China’s state-run Global Times newspaper nih a chim ningah cun, hi India minung 5 hi intelligence (thohhlanzi) an si, ti a si. Hi 5 hna hi timhciammaam tein ramri an hung tan i, China ralkap nih an tlaih hna hna i, cun ralrin pek an si piin, nun zong an chimh hna, tiah security source nih cun a langhter. Tutan zarh chungah hin ramri buaibainak vialte i remthan dingin India cu China he lungtlinnak an tuah. Asinain, hi minung 5 hi China lei nih an firmi hna an si, tiin India lei nih thawng an thanh.

Arunachal Paradesh hi China nih i south Tibet hmunhma a si caah, India ram ah kan ruahkhah balmi hrim a si lo, tiin China’s foreign ministry ca i aiawhbiachimtu Zhao Lijian nih a chim. A tuanbia zeidah a si? June thla tein khan kaphnih an i pehtlaihnak hi tialhmal lei a panh chinchin cang. An i cuhmi Ladakh ramri ah India ralkap 20 thah an tong. China lei zong ceilak te an thi ko nain, a cozah nih a langhter duh lo. Khat le khat biaka in an i hro, asinain Thursday ah khan India foreign minister la China foreign minister cu Moscow, Russia ah tonnak an ngei i, an i hrawmmi ramri ruang i a tlung cuahmahmi buaibainak vialte cu daihter dingin kaphnih  lungtlinnak an tuah.

Making sense of China's border belligerence

Kan ramri nan pal hmasa, tiin khat le khat an i puhtonh tawn i, cu in cun i tuk le i den lawng an rian zungzal. Cu ti an buaibainak ramri hi ruul ngerh in ai ngerhmi a si i, khuasaknak zongah atha thitha lem theng lomi hmunhma khi a si. Cu pinah, thitha zong in hau le ruang sak le congh zong a um fawn lo. Naicikua i an i khokkhaknak a ruang hi tampi a um – an kaphnih in a thlite i an i tinhmi a um veve caah le “Nanmah lei nih buainak na thok” tiin khat le khat sual an i phawttonh peng hna. An ram hnih karlak  ah ralngan aa thawh hi cu voikhat te lawng a si. 1962 lio ah khan a si i, cu lio ah cun India hi zohchia in a sung bal. BBC

India-China border hotspot Pangong Tso Lake sees fresh build up of Chinese  troops | Business Insider India

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha