Hlanchan, molhchan lio 2 March, 1962 ah General Ne Win (Tatmadaw) nih har taktak in minung thong tampi nunnak lakin aa-na a rak ting khawh hramhram. Kum 26 hnu 1988 ah an ting than i kum 23a kan uk than hnu, 2011 ah democracy system in kalpi in Union Solidarity and Development Party (USDP) sinah uknak an chanh. Kum 5 chung democracy muisam in an kan uk, a dikmi zaukphung cu asi lo nain mipi an i hlau mantuk ve. Media, human rights, freedom of religion le zalawnnak tampi a vun kalpi khawh. Mipi nih an zalawnnak le ralthatnak tampi hi kum 5 chung ah hin a vun langh kho.

Image result for myanmar mandalay army tank

Kum 2015 hnu in mipi thimmi NLD nih uknak cu an vun lak than ve i kum 5 chung bak an vun uk ve. Hi lio caan ko ah hin mipi nih an covo an i thei i an ralthat zia le media an zalawn ning nan hmuh cio ko khah. Cun Myanmar mipi zong nih ralthatnak tlingtein an i ngeih cang i fimchan ah kan lut cang caah NLD nih zeihmanh an tihtuk ti lo timi hmuh khawh asi.

Image result for min aung hlaing

Ralkap nih hin 2021 election vote firnak a um, nan zoh nawlh lo ahcun aa-na kan ting lai tiah ralrin bia hi voitamtuk an chim ko nain, Suu Kyi le NLD nih an dirhmun hi an i fiangtuk ko nain an pah chih, hi bantuk thil a can lai hi an hngalh tuk ko. Mahtluk in ralkap an i hrocer mi, NLD leaders pawl khi thong kum 20-30 chung bak a tlacangmi lawngte an si ko nain ziah thla an pah chih thiamthiam hnga, timi biahalnak hi a biapi tukmi asi.

Image result for myanmar mandalay army tank

Ralkap nih hin nawlngeihnak (full power) taktak 50% hmanh NLD hi an pe duh naisai lo, an duhduh tuah i NLD phisinter an timh hna, tlangcungmi vialte he huat ter, international ah minchiatter, an duhmi lawng tuahter i an duhlomi an tuah ahcun uknak lakthannak dingin caantha an i ngeih zungzal fawn. Kum 5 chung ram an hruai chung ah NLD nihhin ralkap ngian hi an i fiang kho dih cikcek i atu dirhmun hi an i thim deuhnak hi asi.

Kum 1962/1988 le 2021 hi cu van le vawlei in ai dang cang. Democracy phung in Kum 10 chung kan i Uk cang, mipi fimchan asi cang, ralkap hi hlanlio ralkap bantuk an si ti lo, international ah cuhlan nak in ralkap dirhmun a chia kho deuh, cozah riantuantu vialte nih NLD an support dih cang, hlanlio kum 60 chung dirhmun kha mipi zong ralkap zong nih an i fiang cio caah an tih tuk veve.

Ralkap pakhat lawng nih zeihmanh ah tuah khawh lo zia an i fiangtuk, cucaah kum 1962/1988 le 2021 cu van le vawlei in ai dang cang lai, ralkap nih cakei meitleih ko an hluan cang. Tu cu ai thokka lawng asi rih, mipi zong nih a nemnak tein duhlonak (silent protest) an langhter rih. A rauh hlan ah Yangon le Mandalay inn le motor vialte Syria ram bang in khangh dih caan a phan te lai. Cutikah dictatorship pa cu a pur ruangmang te lai.

Adang:: Uknak ttha lo a chuah tikah innchung ah umphung a si tilo/I benh phung a si tilo. Lengah chuah in lam cungah sandahpiah dih a hau cang. Sandahpiah cu a phun2 a um ko lai. San an tlai dih cio ko lai. Nan Kawlram sining tuak tik ah lamcung bak ah chuah in sandahpiah a hau. Mi tampi nih nan I thawh I atuchan cu social media chan a si I minung kan fim tuk cang. Thil ttha lo le din lonak thuh khawh a si ti lo ruangah uknak hi a thleng zau ko lai tiah nan zumh.

Uknak thleng zau cu kan dihlak te duhbikmi a si ko. Nan cucu a tak ah fawi dawh a si ti lo. Kum tampi rau dawh a si cang. Ralkap butkedanh hnawtpiak le ralkap tang 3/4 awnglo pawl kha boss le sayakyi ti auh in kum tam nawn hmang rih dawh kan si ko hi. Kum 60 chung nawn a phunphun in duh lonak kan langhter nan thlengnak taktak cu a chuahpi kho lo tikhawh a si. Curuangah atutan cu fak chinchin in kan I zuam a hau lai.

Laimi (Chinmi) le Kawlram miphun dang, politics kan kalnak lamthluan ahhin fimkhur tein le ralring tein kal cang hna u sih. Trump cu palhttanh in kan ttanh tuk ruangah kanmah cungah Myint Aung Hlaing hmang in dantatnak kan tong cang hi. Kan lung a fim rih lo. Trump, Than Shwe le Myint Aung Hliang te pawl lungput le ziaza le kalning cu a khat bakte an si tiah voi 6 leng ka rak ti cang kha.

Trump a hlawh tling lo. Myint Aung Hlaing teh a hlawhtling ve lai maw? Atutan uknak ttha lo nan auhmi cu bel le kheng tum, le a phunphun in tthawl nan I zuam nan thlengnak taktak a chuahpi lai maw chuahpi lai lo theih khawh a si rih lo. Atutan I ralkap uknak tthalo, langngam ti loin nan tthawl khawh lo ahcun ruahchannak a um tilo tluk a si cang ko. Zungzal in ralkap kut tangah nan um a hau ko lai. Keicu beiseinak ka nei tuk lem lo. Ka pehtthan te lai. Credit: Van Tum

By Chuncha

Leave a Reply

Your email address will not be published.