Thimfung 537 In US President Can Khawh A Si :Kum 2000 US President thimnak ah George W.Bush nih Al Gore cu Florida ramkulh ah thimfung 537 te lawng in a rak tei i, Florida Electoral vote 29 cu a dihlak in a co dih caah US President ah a cang. Thimfung thlak zan ah Bush nih thimfung 1784 lawng in a tei i, Al Gore a lungtlin lo caah thimfung cu an rel than. Thimfung an rel than i, Bush nih thimfung 537 a tei lio ah Supreme Court nih thimfung rel ti loin an ngolter hna i, George W.Bush cu President ah a cang.

Donald Trump At UN, Says Future Belongs To "Patriots", Not ...

Cucaah Swing state timi Democratic zong a si lomi, Republican zong a si lomi khoika lei poah ah thimfung a thla dingmi pawl umnak state pawl khi a biapi khun. Tutang a ra lai mi Thimhnak zong ah Swing state ah ruahmi Colorado, Florida, Iowa, Michigan, Nevada, New Hampshire, North Carolina, Ohio, Pennsylvania, Virginia le Wisconsin ah a ummi Laimi nan biapi ngaingai. Nan thimfung pakhat te nih khan US thimnak hi lai a rel khawh caah thimfung thla loin rak um hrimhrim hlah uh. Thimfung 537 in George W.Bush zong President a rak si bal.

Opinion | I Observed Joe Biden at Close Range for 20 Years. Here's ...

Thawngpang dang <<Israel le UAE karlak i an i pehtlaihnak hi caansau nawn a si cang ko. Asinain, tutan i a thar in lungtlinnak an tuahti mi belte hi cu Iran ralchanh caah a si. A ruangbik cu, Iran hi a raminnpa pawl caah tihnung a si cang, tiin Israel, UAE le USA nih an hmuh caah a si. UAE khua le ram chungah Israel flag ai thui khawh caah hin Middle East hrawng i Iran a dirhmun a vun deetkhawt khotu karhlannak nganpi a si, tiah Israel ah a ummi Interdisciplinary Center ah saya a tuanmi Meir Javedanefar nih a chim. UAE cungah Iran nih lehrulhnak thalo in a tuah sual ahcun, Middle East ah a ummi Islamic Republic chungtel ram pawl le kan hawile pawl vialte hi an lung a derter hna lai. Hi hna pawl hi Middle East i Iran kar a hlantertu an si i, Iran nih cu ti kar a hlan hi kum 20 leng a si cang, tiah a cheukhat Iran kong a theitu pawl nih an lungretheihnak an langhter.

Israel, UAE reach historic peace deal: 'We can make a wonderful ...

Hi ruang te ko ah hin, Israel le UAE karlak lungtlintinak an tuahmi kongah Iran nih zeibantuk lehrulhnak hmanh a takin a tuah lo ah a tha deuh ding thil a si, tiin official pakhat nih a chim. Asinain, a ra lai mi zarh tawlpal chungah hin bom puah thawng, drone in asiloah miakpii in i kahnak thawngpang na theih sual ah maw vun lai tuk lai ci, tiin bia a beuh ta ve hna.Israel nih UAE he lungtlintinak an tuahmi i tlaih riangmang in Gulf i Iran ramri tiang ah a lungduh tein zalongtein hmunhma a khuar khawhmi a si. Cu ti thil a si tak sual ah cun, cucu Iran lei nih cun ngiartau ah an relpiak te ko lai, tiin Iran diplomate hlun pakhat nih a chim. 1979 i Islamic revolution (tawhlanzi) hnu khan cun, Iran nih hin Israel hi a ral ah a chiah peng cang i, vawlei mephung (map) in a hloh in hloh lawlaw ding tiangin khua a kan zungzal.

By Chuncha