Chan hi a thlen rantuk tikah minung nih kan duh phun zong model thar lengmang hi kan uar chin lengmang cang. Kan fa nu kan fapa le kumkhat hnih hmanh nih thiltha le thilthar an theih manh cang mi chan ah kan um hna. Cu bantuk dirhmun ah hringtu nu le pa si hi fa le caah thil har ngai ngai arak sinak tampi a um. An duhmi thil an hauh tikah cawk piak lo le mah fa le hauh mi cu al a har ngaingai, nain nu le pa nih kan dirhmun nih a phan lo mi thil cawk piak ding kha a si khawh tawn lo tikah fa le he buaibai nak lian a chuah theo, nu le pa caah lung nuam lo ngai thil a sit awn.

Atu thil a cang mi hi Hindustan Times nih a tarlang ning ahcun Tripura ah Sepahijala District i khuate khua pakhat ah Class 10 a cawn lio mi nih a pa sinah phone cawk piak ding in aherh tuknak a hal i a cawk piak lo ahcun Online Class cawn ding zong a peh duh ti lo ti asi. Asi nain hringtu a pa cu kum 50 upa a si cang tik ah le lotlau lawng in paw a cawmmi an si tikah a fa nu caah phone tha a duhmi cawk piak ding kha a dirhmun nih a phan deuh lo caah phone cu simple te khi a cawk piak.

A fanu cu a lung tling lo tuk hringhran caah a pa cungah a lung afak, athinhun tuk hringhran. Cu a fanu a lungfahnak le a thihunnak nihcun hringtu a pa cu a lungfah a celh hrim lo i, afa nu caah a duhmi phone a cawk piak khawh lo ruangah cun nunnak I lak cawlh hi a duh ti a si. Khat lei khat sivang in apa cu a um lengmang tikah a fa nu caah a duhmi a cawk piak khawh lo ruangah room chungah a lut i amah tein anunnak a la tiah theih asi.

Atu lio India ram cu zawtnak thanwg nih hin Online Class ruangah harsatnak dangdang a phan chin lengmang ko, Abik in khuate i a um mi hna cah ko ah hi thil hi an tuarfah le buaibainak tampi an ton khun tiah an langter. June thla chung zawng ahkhan Kerala, India ah acawn lio mi pakhat cu Online Class pehnak ding a ngeih ve lo ruangah amah tein a that nak zong thanwg theih a si. July 9, 2020 WOB

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha