Minu (Woman): Nangmah cu lungvar (diamond) bantuk na si. Pa kip nih fawi tein ngah le fawi tein tuah khawh dingmi nu kha na si lo. Duh paoh den le duh paoh in khuai men men ding nu kha na si lo. Diamond na si naa hngalh lo ahcun lam kam lung men men ah an in hmuh ko lai.

Lung cu lamkam ah a tampi, duh tik paohah lak le hlonh khawh an si tawn. Asinain lungvar (diamond) cu a thukmi vawlei tangah aa dup tikah thazaang le thlanti tel lo cun ngah khawh a si lo. Cu bantukin , Minu, nangmah cu lungvar man sung kha na si. A duhmi paoh nih ngah khawhmi le a duhmi paoh nih co tin khawhmi kha na si lo. Zeicatiah na man kha khiah khawh loin a sang. Nangmah cu Diamond nak hmanh in na sunglawi deuh.

Minu, lung bantuk ka si timi na lungput kha thleng law, diamond hmuh in i hmu. An tingcotu pa sin na phak tik belte ah a thlanti le a thabatnak kha na mansunglawi nih lawmhter ve seh. Nangmah cu lung sawh sawh men na si lo. Diamond sunglawi na si. Diamond na si nai theih bakin nangmah le nangmah aa upat thiammi nu na si ko lai. Credit: Nusung Hrangtlung

Nangmah Na Ṭhawng Bik: Nangmah caah cun nangmah te hi na ṭhawng bik. A liam ciami na palhnak le harnak siseh, hmailei i na tuah khawh men mi palhnak, harnak le mitthli zong kha na caah hna hnoktu an si lonak dingah nangmah lila kha nawl a ngeitu na si.

Na harnak le mitthli chung in har peng le ṭah peng maw nai thim lai, ka tuah khawh ko tiin lung ṭhawnnak ah dah na hman lai? A liam ciami tuanbia kongah i zahpi a herh lo. Nain na caah Saya tha si ko seh. A liam cia cu a liam cang i thaizing a thiang hlim tukmi khi zeitin dah na hman lai timi kha a biapi cu a si.

Na harnak le na ngaihchiatnak le na derthawmnak caah thazaang petu ṭha bik ah Bawipa nih an pekmi minung cu nangmah lila kha na si. Nangmah caah cun mi zeihmanh kan tthawng lo. Nangmah kha na ṭhawng bik. Cucaah vuivai pah zong in thawh, hmai i phiah i zeitlukin dah mi tthawng na si kha langhter zungzal ko. Nangmah caah cun nangmah hi Ralbawi lu bik na si! Credit: Nusung Hrangtlung

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chuncha News Chief Editor.

By Chuncha

Leave a Reply

Your email address will not be published.