2021 Kum Thar ni ka mang: 2021 Kum Thar ni ah mang pakhat ka manh. Ka mang ah cun January 06, 2021 a si ti khi a hei si i, ka fapa Isaac Duhtling he USA President thimnak kan rawl einak cabuai cung ah kan hei zoh i, TV kan zoh rua ka ti ah khin, catlap cung bantuk khi a hei si hoi. Mah catlap cung ah cun USA map bantuk khi a hei isuai i a cung lei keilei kam ah hmanthlak minung pahnih kawp in, kawp hnih le a tang lei ah khin kawpthum minung hmanthlak an hei um i mah cucu senator aiawh ah an hei suai hna ti khi a va si. Mah luklak ah cun a tanglei kawptum cu an hei hnawh ṭhan hna i a cung lei kawphnih lawng an hei taang. Ka fapa nih cun “Trumh nih a tei” tiah a kut ahei bengh i, ka fiang na lo pi khin ka hei bengh ve.

Image may contain: 1 person, text that says 'FEBRUARY 10, 2007- SCOTTSDALE, AZ THERE WILL BE PRAYING PRESIDENT, NOT RELIGIOUS ONE. FOR WILL FOOL THE PEOPLE, SAYS THE LORD. WILL FOOL THE PEOPLE, YES WILL. GOD SAYS, THE ONE THAT 19 CHOSEN SHALL a0 IN AND THEY SHALL BAY, "HE HAS HOT ULOOD,' PRGPHECY TRANSCHIPTION'

Joseph bantuk mang leh thiam nan um ah cun ka lehpiak te sawh u. (Kei hi thaihlum mang manh ka hmang pah tawn.) USA thimnak a buai mi ah hin kei cu Joe Biden hei si ning law,” ihlen thawinak, lih, le hrawkhrol (fraud) a um nan ti mi hi ṭha tein zoh fel cikcek u” ka ti bak hna hnga. A chan chung ti awk ngawt in senator le vice president tiang a ṭuan cang mi pasal nih cun vawlei pi le USA mipi i lunghrinh bu le zumhlo bu i president ṭuannak cun felfai te i zoh i a dik, a hman ti hnu ah ṭuan kaa thim bak ko hnga.

Nihin cu Kim clement i a rak chimmi, hmailei kong chimchungnak (prophecy) pawl kha ka lung ah a chuak i ka ngai ṭhan. A zei dang kong nak in “Trump shall become a trumpet” a ti mi nih hin ka lung a Ka laak ngaingai. Nihin kan vawlei thil sining le khua caan hi thlir tik ah “Jesuh ratṭhanak (Second Coming)” hi a nai taktak cang ko rua, ka ti. https://youtu.be/9w8Mr0kylwc Ka lawm, Isaac Duhtling pa (Mang Chawn) Indianapolis, USA

Trump mocks Bloomberg after exit from the 2020 presidential race

Republican Congress Minung 150 nih aa thuimi pine 7 nih Biden teinak an pekmi cu duhlonak an langhter lai. Upadi thiamsang Ted Cruz hruainak in Republican senate 12 le House representatives 140 nih January 6 ah aathuimi pine 7 nih Biden teinak an pekmi cu duhlonak langhter an timh.

Democrat lei hruaitu lutlai pawl zong nih i kilvennak an timhlamh ve. Mee thlatu hna, Electoral Colleges (EC) le biaceihnak zung hna nih an chim dih cang ti in kilven an timh.Ted Cruz le a hawi le hna nih cun January 6 hnu ah hi aa thuimi pine hna ah ni 10 chung mee chekhlatnak (audit) tuah an sianh lo ahcun faak piin duhlonak langhter an timh. Senate le House i tonnak Congress ah aa thuimi pine 7 kong hi ceih a si te lai. Senate le House cu an i then te lai i suimilam 2 chung a dang tete in biaalnak an ngei te lai. Cu hnu ah an i tong than lai i nee an thlak te lai. Mee 270 a hmumi nih teinak a hmuh te lai.

Trump nih teinak a hmuh ding cu a har ngaingai. Zeicahtiah Republican senate hruaitu McConell nih EC vote hi zuamcawh lo ding in a forhfial hna ti a si. Suimilam (2) chung biaalnak an tuah tikah Trump lei nih tehte tampi he fianghlang tein an chimphuan khawh a herh. Mi raltha hna an chuah i an chin a herh cang.

Cun Pathian zong nih khuaruahhar in mi thinlung a thlen a herh. Cucaah Pathian sin ah thla faak piin kan cam a herh. Mike Pence nih cun aa thuimi pine EC vote an zuamcawhmi cu dirpi a timh. Amah nih EC vote hnonnak nawl a ngei maw, ngei lo timi cu an i al cuahmah lio a si. 12th amendment nih Mike Pence cu a dirkamh lai tiah an zumh.

Cun January 6 ah Trump hi a sungh sual zongah lam a pit cikcek ti khawh a si rih lo. January 20 hlan ah thil tampi aa theng kho rih. 1876 thimnak le bang cu November thla in March thla tiang a rau. December 28 hnu cun thil aa ningcang lomi an hmuhmi a tam chinchin. Tial cawk ding hmanh a si ti lo. Bia dik tanh ruangah Trump a dirpitu hna cu mihrut tiah mi cheh nih an kan timi hi i fahsak lai cih mu. Cucu vawlei kalning dah kaw a si ko cu. Isaiah nih hitihin a chim: “Biatak chim kha a tlawm tuk hringhran caah that lonak tuah a duh lomi cu, mihrut ah rel an si,” an ti  Isa. 59:15.

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.