Chin Hakha ca le holh in online media (Social Online media page le website) hmang in group le page tuah mi social media tampi lak ah zatuak 90 persent cu Miphun Party tanh mi an si. NLD Party tanh ngai mi Group hi Kawl Rawn Chin Unau Biaruahnak, Chin Laizo Tong le Taungzalat media le Hakha Hrambunh The Voice of Democracy media hna hi an si. Hi chung ah Taugnzalat le The Voice of Democracy hi Cozah theih pimi media an si. Adang kha cu page sawhsawh an si, media lei theihpinak registration an neih lo caah tih zong an nung lo. asinain Taugnzalat le The Voice of Democracy media hi Party dang caah tihnung bak mi an si.


Abik in The Voice of Democracy media hi Chin Ram caah cun tih nung a bik a si. zei catiah ca an tial mi careltu zoh tik ah an tlawm lo. a bik in an nih hi political lei hi aa hmaithlak bak mi an si tik ah an ca hi rel a nuam. An news paper hi kawl le lai, Falam holh tiang in an chuah. cucu 2020 thimnak ah NLD nih teinak i hamithlak bak in an tuah mi a si. Cun The Voice of Democracy media ah an chief Editor pa hi NLD a sit bak a si tik ah cu hlan a catial mi rel ahcun nan theih ko lai,,, NLD tanh nak kong a tial ahcun el awk um lo bak in ca atial tawn mi a si. Cucaah 2020 thimnak ah hin The Voice of Democracy media ruang ah NLD nih teinak a hmuh ko lai ti hi kan rak zumh mi a si.


Hi lio caan ah lunglawmh awk ngai a si mi cu,,, nai hrawng a catial mi zoh tik ah NLD a si ko nin NLD a zumh ti hna lonak a lang pah cang. Pumpak in ka contact nain tlam a tling lo i aa ka leh mi cu thildik cu ka tanh cang ko lai,,,, rak hgnak ko uh tilawng aa ka chimh i chim le phuan a duh ning ka zoh tik ah NLD cung ah zumh lonak a ngei cang ti hi a lang.
Ti ning te a si ko i NLD lei a tan lo ahcun Miphun Party caah le Chin Ram politics caah thawngpang tha taktak a si lai ti hi ruah khawh a si.


The Voice of Democracy Chief Editor pa hi NLD Party chung thil um tu ning a hngal ngai mi a si leng ah Ramkheel lei ah catial a zuam ngai mi a si i tutan 2020 thimnak ah ca a tial ding mi hi rel lai ngaih um ngai, zeicatiah NLD a sit bak si mi media pakhat nih NLD lei tanh in a dir ti lo ding mi cu a sawhsawh a si bak lo.
Chin Ramkulh ah Cozah theih pimi media an um lengluang ko nain raltha tein Party tanh in le politics caah aa hmaithlak mi medi an um lo. The Voice of Democracy tu cu vawlei pi theih bak in NLD tanhtu Media rak ti tawn mi a si. amah zong nih ka si ko a rak ti bal.


Cun Taungzalat media cu a um ve nain cu tluk in Chin Ram caah hmual ngei ngai in ca a tial kho mi a si lo. Thim lai a si bantuk in Political lei capar a tial kho mi media hi kan herh deuh mi le kan tih ding mi cu an si.
Tuan deuh zong ah The Voice of Democracy media cu NLD tanh in ca tamtuk a rak tial i fak piin soisel le doh zong a rak tong. Atu hi amah tein Chin Ramkulh Pengkip ca le holh in an news chuah ding a cawlcang ti a si. atu ning tein Miphun Party caah caan le a sining a pek i Holh phun kip in ca aa kan chuah piak khawh ahcun Miphun Party caah mipi nih kan vote kan bungh dih te ko lai ti hi zumh lo awk a tha lo.

 

Note: Khah Miphun aiawh Party hna, catial thiam lo, catial huam lo mi minung 10 nak in catial a huam mi, ramkheel a lung lut mi 1 man a ngei deuh. vui khat ca an tial ah thong tampi nih rel a si. cucaah hi bantuk catial zuam mi Editor hna hi a lem zia thiam hna uh, nan lem khawh hna ahcun nan hlawk tuk lai hih. Hi capar hi keimah ka hngalh tawk in ka tial mi a si. NLD ka si ve tik ah ka thin phang i ka lungtha lo ngai. (By: Joel Van)

Note, Mah ca hi amah Joel Van nawl peknak in thlahmi a si.

By Chuncha