Chinmi tampi nih 2020 rampi thimnak vote peknak kongah atu ning kan catial pawl rel tikah kan tanh ning hi tih a nung ngai mi thil tampi a um kho. CNLD le NLD hi atu lio dirhmun ahcun a lar cem deuh mi asi caah anmah pahnih logo ka ra hmang chung, a dang party an um len ko nain anmah pawl hi cu next ah langter khawh kan zuam ve te lai. Mizoram ah Local Council le Village Council thimnak tuah dih kaa te a si. Mi pakhat nih minung pa sarih vote nak nawl an ngei. Vote petu mipi lakah vote pekning phun thum langhter ka duh.

Number One. Mah Party ttanh tuk ruangah a minung zoh loin, mah party minung poh vote pek. 2. Mah theihhngalh le mah chungkhat ttanh in vote pek. 3. Party le chungkhat zoh loin, mi dik, mi fel, mi ttha bak zoh in (zei bantuk party an si zongah) vote pek.

Kan Kawlram MP thimnak ahhin zeitindah na vote na hman ve lai? 1) Mi dik nih mi dik vote an pek tawn. 2) Piangthar nih piangthar an vote an pek tawn. 3) Mi hakkau nih phaisa a fel lomi an vote te hna lai. 4) Ram le miphun nak in Party a ttanh deuhmi nih mi thalo zong vote an pek te hna lai. Khrih ttanh loin Buu lawng ttanh a um tawn. Ka VOTE pakhat te hi ram le miphun caah hmang ko hna usih. Catialtu: Tlir Lian Thang

Paw Puar cu an hrokhrol i an hruh pinah mi daithlang an si.Mi paw puar paoh an hrut deuh kan ti ahcun, kan dik thlu lai lo. Mi paw puar paoh an hrokhrol deuh ti zongah a dik thlu lo kho men ko.Nain, a tlangpi cun, mi paw puar cu a paw puar lomi nakcun an molh deuh i sense a ngei lo deuhmi, mah ca lawng aa ruatmi an tam.Hohmanh nih paw puar duh si lo. Nain, an paw a puar. Zei ruangah?Paw puar timi khi thathutnak, daithlannak le duh paoh eidinnak in a chuak bik.Minung lungput in tuak hmasa bik tikah, mah le mah icontrol khawh lonak in paw puar cu ai thok colh ko.

A ṭhangchomi ram pawl ahkhin zei ruangah dah siifak deuh le, hawi a tluk lo deuhmi pawl sinah paw puar an tam bik?An kaa le an or nih a duhmi paoh ei an hmang. Mah le mah ai control kho lomi cu zeitluk mi thluak ṭha an si zongah paw puar ah cun an ichuah viar.Kawlram lam ah cun, a bawi deuh le a rum deuh paoh an paw a puar. Kawlram mirum lakah a paw puar lomi minthang pakhat a um. Khi pa nun daan khi zoh hmanh u… duh paoh ei, duh paoh tlong phun si lo.Pastor pakhat a paw a puar chinchin ahcun, zumh nemmam lo ding khi an si. A leng lang i a dinfel ko zongah mi daithlang, mi thathu, mah zawn lawng ruat a si ding cu a fiang.Ai fimter tuk zong ah, lenglei hmurka thiam sawh khi si lai.

Ramkhel minung lebang ah cun paw paur deuh paoh cu zei ah rel ding khi an si lo. Mi thathu, a molh pahmi a si lo cun, displine a ngei kho lo dingmi, mah ṭaangkuhuih ti in zoh beh colh ding khi an si ko.100 ah 99 paoh cu a dik lai.Paw puar lo dingin ifimkan le mah le mah irengh thiam tehna khi fim phun khat si i, cucu self-discipline phun khat zong si fawn.Cu ti mah le mah i control khawh, nunzia thiam hnu hmanh ah a ding lomi le a dik lomi tam tuk an um rih. Khi pawl khi cu fimnak le nunhrin thluak in a thleidan thiam an hau hnga.America Laimi lakah paw puar le hmai thau an tam dom. Kawl cheukhat nih nek ngai in an rak kan ti balmi cu, “An ei bal lomi an ei, an ihruk bal lomi an ihruk, an icit bal lomi icit hna kaw, paw puar hmai tut ah an ichuah dih,” ti a rak si khah.

Ziah na paw puar? Ziah na hmai khi hawi em loin a thau. Ziah nai sum lo?Sumnak a ngei lomi minung cu zumhtlak an si lo bantuk in bochan awk taktak dingah an har.”Ziah Lai MP na paw puar ve? Ziah na hmai a miltlor tuk?” ti in biahalnak kan ingeih ve zong a herh te lai.Ka hrelhmi um leen rih lai. Van chap cio ulaw, sullam a von ngei deuh hnga ta.Credit: Salai C Alexander.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha