2020 Kawlram thimnak ah NLD nih ram pumpi huap in a tlawm bik 341 thutden (seats) a hmuh lai i (51% in 54% kar) tiang vote a hmuh lai i cozah a ser lai ti hi keimah pumpak nih ka tuahning (analysis) a si. President le vice president zong an mah party chung in an i thim lai, cun union minister le chief minister zong an mah party chung in an i thim lai.

Image may contain: 6 people, including Pu Zo Zam, people sitting, text that says '2 DAILY'

2015 Nov 8 ni thimnak ah Rakhine State ah Arakan (Rakhine) National Party (ANP) nih Union level ah seats 29 ah 22 a rak tei cun State level ah seat 35 ah 23 a rak tei nain NLD nih Chief Minister kha an mah NLD chung thiam thaim in a thim. Shan ram zong ah cu thiam thiam a si. 2008 phunghrampi remh ding zong ah federal democracy ram ser ding zong ah teima ngai in rian pi an pehzulh than lai caah hmailei kan ram caah ruahchannak tam pi a um.

2016 in 2019 tiang ah NLD cozh nih Kawlram sifahnak (poverty) hi 48.2% in 24% ah a thumh khawh. Vawlei cung ram kip cozah le bu zong nih NLD democracy cozah lawng hi an zumh caah 2016 in 2020 kar ah ramleng kampani pawl nih tangka hrambunhnak (foreign direct investment) hi US$ 28,784 million tiang a auh khawh.

Image may contain: 2 people, people standing

2018 i Myanmar GDP hi 68.4 billion ah a kai nain GDP growth rate tu cu tlawmpal a tum. NLD cozah nih trade le investment pawl fawi deuh in tuah khawhnak (liberalize) a tuah. Nihlawh zong 2018 ah nikhat hlawh 3600 Kyat (MMK) in 4800 MMK ah an kaiter. Lam le sul, ti le mei tibantuk Infrastruture pawl tam taktak a sersiam.

USDP nih maw asiloah coalition government (party fonhmi cozah) in USDP le ralkap le party dang pawl nih fonh in tukum thimnak ah 51% an tling sual i ram cozah an ser ahcun vawlei cung ram kip zong nih USDP le ralkap hruaimi cozah cung ah zumhnak an ngei lai lo i kawlram ah investment an rak tuah lai lo pin ah federal democracy kan karhlan a dir kho. Cucaah a tu hnu kum 5 hi NLD nih a peh rih i federal democracy tling kan hmuh hlan tiang cu NLD tanpi rih kan hau. 2020 Kawram Thimnak hi hmailei kan kar hlan nak ah a biapi taktak tiah ruah bu in.. Credit: Sui Hningz

Kawlram Politics: 21 Century chung cu Democracy fek tein a dir khawhnak ding i zuam cio ding a si. Pi Suu lawng rinh lo ding. Miphun dang cu chim lo Chinmi hruaitu hna Pu Lian Uk, Pu Zing Cung, Dr. Sui Khar, Dr. Lian Hmung Sakhong, Dr. Sasa, Salai Bawi Lian Mang, Salai Thla Hei… tbt hna khi NLD party ah an luh awk, an hruai awk, a si. Hmailei pi ca tiang.
NLD hruainak a hmunh paohpaoh ah federal democracy le self determination le a dangdang kan hui te hnga, ka ti. Peace Talk hi cu vawlei a dongh hlan tiang paoh a rau kho men. NLD ah Chim mi dihlak in ttan a hau. Cucu kan miphun caah lam kau bik a si. Zeiti khin dek nan hei ruah cio!!! Credit: Dr. Chum Awi

Image may contain: Chum Awi, smiling, food

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cunga lunglawmhnak le zaangfah nawlnak he- Lungleng Tlang Editor.

By Chuncha