2015 lio US President thimnak ah Russia cozah nih US thimnak ah an i sawhkalh timi kongah hlathlainak an tuahmi vialte le Lt.General Michael Flynn a sualnak an kawl hranhram i, a duh an loin, “sual an phawtter” mi vialte hi Obama nih a hnulei in a tuahmi lawngte an si caah amah nih tuanvo laak a herh” tiah tuchun ah a chim.

Obama President a si lio ah Hillay Clinton he president a cuhmi Donald Trump cu Obama nih a kutang minung hna nih FBI hmang in Donald Trump election campaign tuahtu hna cu an zulh dawi hna i, an sualnak an kawl hna i, an hlathlai peng hna. Mah hlathlainak caah a dihmi phaisa vialte cu Hillary Clinton election campaign le Democrats party nih an liam piak hna ti a si. Mah lawng hmanh a si rih lo, Senate tiang in hlathlainak an rak tuah tiah Donald Trump nih a chim.

Tuchun ah Donald Trump nih Twitter a tialmi cu, “OBAMAGATE MAKES WATERGATE LOOK LIKE SMALL POTATOES!” tiah a tial. A chim duhmi Nixson sualnak cu Obama sualnak sin cun chim thlak hmanh a si lo” ti khi a si. President hlun Nixon nih President a tuan lio, 1973 ah democratic party headquarter ah FBI pawl hmang i document pawl a firter hna caah impeachment tuah an timh i President sinak in a rak chuak.

US President hna nih President an tuan lio ah an nawlngeihnak kha ningcang loin an hman i, anmah a dotu hna kha FBI siseh, midang fial in siseh, an sualnak an kawl hna ahcun ciriminal an tuah a si.

Credit: Salai Lairamthang

Relchap<<<<  NASA le Spacex company pahnih ibawm in thlah an timhmi, Falcon 9 Rocket cu, Florida state, NASA’s Kennedy Space Center in tu zanlei sumilam 4:33pm ah an thlah cang lai. American space heroes Robert Behnken le Douglas Hurley nih an mongh lai. Vawlei in meng 250 a sannak international space station tiang an kal lai i, sumilam 24 an rau lai. Atu thlah an timhnak hmun i, thlapa cungah ah an rak thlahmi, Apollo 11 thlahnak hmun in a si lai. 2011 hnu ah US nih International space station ah an kai hmasa bikmi a si lai.

NASA nih vanlei ah hlathlai dingin mission project an ngei i,  dubbed Demo-2 timi zong an ser cuahmah lio a si i, thlapa le mars ah kal ding in timhtuahnak an ngeih rih. President Trump nih election campaign lio tein Space mission kan thawk than lai” a chimmi kha a tak in an tuan chuahmi a si. President Trump zong Rocket thlah lio va zoh dingah NASA Kennedy Space Center a phan cang.

International Space Station (ISS) ah hin rocket tampi an phan i an i dinhnak a si. Mah ka cun vawleicung sining le science lei sining vialte an hlatnak sakhan pakhat asi. Ram tampi nih international Space Station ah hin vawlei le van hlat hlainak caah an herhmi thilri vialte an i chiahnak hmun a si.

By Chuncha