Chin ralzaam hawikom dawt vialte hna dam in na um cio hna tiah zumhnak kan nei. Nai hrawnghrang kan thawngpang tete cu thinphang le lungrethei in kan um cio hna. A hlei in Pudu thirhling kulh (lockdown) kong ah kan thinphang khun.

Hopoh nih kan theih dingmi cu Malaysia ngandamnak lei (Ministry of Health) tuanvo ngeitu lei nih Covid-19 zawtnak hi ramdangmi (migrant worker) le Ralzaam (refugee) hna sin zong ah a um lo nakding le a karh lonak ding ah biatak tein aa zuam.

Cucaah Chin ralzaam tampi kan umnak Pudu zong ramdangmi sinah zawtnak an hmuh caah thirhling kulh (lockdown) an tuahnak asi.

A tu lockdown an tuah chung ah Chin ralzaam cheukhat cu dam lomi phortu (Ambulance) in an thir hna i hmun dang ah an kalpi hna. Mi cheukhat nih tlaihkhih ah kan ruah. Hi hi an tlaih hna asi lo. Zawtnak an check dih hna hnu ah Zawtnak a neimi he neih niam deuh in an um hna caah Quarantine (ngandamnak tuanvo ngeitu hna nih zohkhenhnak hmun) ah an chiah hna khi asi. A tlawm bik ni 10-14 an um lai i an thlah than ko hna lai. A tu i an chiahnak hna hmun ah a ummi pakhat nih cun an kan zohkhenh dan a tha tuk, zohkhenhtu zong an tha tuk tiah a chim.

Cucaah Pudu thirhling kulh (lockdown) chung i a ummi motor in an rak laak tawnmi hna hi thinphan ding le lungretheih ding asi lo. Kan mah an kan runven tu asi ko caah hnangam tein um ko hna uhsih. Tlaihkhihnak kongkau ah riantuantu le tawlreltu (CRC, ACR) kan um ko caah lugretheih ding asi lo.

Lockdown chung ummi nih kan herh baumi tete cu kan mah le community riantuantu sin cio ah thawngthanh khawh peng i zuam hna uhsih.

Thlacamnak in kan i bawmh hna. Bawipa nih in huhpheng cio ko hna seh.

   Credit : Chin Refugee Committee, Malaysia

 

 

By Chuncha