Um 2015 Cu Lawmh Le Ngaihchiat Kum A Si.

CBCUSA Civui June 2015 cu nuam ngai in kan hman dih ah, Baptist World Congress, Durban, South Africa, July 22-26, 2015, zawh ah ka kal than. Baptist Vawleipi kum 5 voikhat Pathian thangthatnak civui a si. Class pakhat ah ‘Urban Ministry in the West’ kong cawnpiak ding in an ka sawm caah tlolh sian ding in ka ruah lo hlei ah, CBCUSA cu BWA member a si caah Dr. Thlaawr Bawihrin he kal ding in an kan fial fawn. Chin/Laimi kan dihlak 4, Dr. Mang Tial le Pu Stanley Hram Uk, NY Life an kal ve i kan i nuam ngai.

Nanga Land Baptist Church, India in minung tam ngai an ra. Laimi hlikhlek te an si ve. Cithlah khat in ruahmi kan si ti tawnmi cu a hman ko lai. Kan i ton cang ka in kan i ngamhtlak colh.

Durban, South Africa cu vawlei pum a tawbik, India rili kam ah a ummi a si. A hla ngai. Khuacaan a nuam ngai I, rili kam tlawnlen zong a nuam ngai. A rum tuk mi [first world] le sifak tukmi [third world] a ummi ram a si.

July 28, 2015 ni ah BWC in kan khua DC ka phan. Internet hna ka van zoh cu, Hakha khua le Lairam khua hna ruah a tam tuk caah vawlei tolh ai thok, inn tluk an I timhnak hmanthlak le thawngzamhmi ka hmuh cu ka lung re a thei tuk colh. A dam cangmi kan thinlung hliamhma van chim than cu a nuam lo ngai. Nain, tuanbia cu lawmhnak le vanchiatnak kong zong chim than lengmang kan hau ko. Ka peh than te lai.

ย Credit : C Duh Kam

By Chuncha