𝟮𝟬𝟮𝟬 𝗘𝗹𝗲𝗰𝘁𝗶𝗼𝗻 𝗞𝗮 𝗖𝘂𝗮𝗻𝗵 𝗩𝗲 𝗡𝗶𝗻𝗴 | by Pu Lian Cin (USA): 2020 Election a nai chin lengmang cang. Mikip nih ahodah cozah a ser lai, tiin ruahning hmuhning chim cio a si. A si lai ding taktak cu ahohmanh nih theih khawh a si rih lo. Zumhning cio a si ko. Kei zong ka hei cuanhning vun langhter ka duh. Hi ka cuanhning ka tial tikah, minung pumpak thangchiatnak le duh lonak aa tel hrim lo, ka theihning le ka zumhning ka tial mi a si ti kha vun langhter hmasa ka duh.

NLD nih cun kanmah nih cozah kan ser khawh lai. ‘Alliance’ kan herh lo, an ti tiin theih cio a si. Asinain NLD chim lo mipi nih cun 333 an tling lai lo tiin ruah a si. Alliance (hawi) kan herh lo an ti tikah an sin ah ifonh awk a tha ti lo, tibantuk in Shan le Kachin party hna nih fiang tein an chim. Rakhine cu chim hau lo. NLD hi amah tein cozah a ser khawh lo ahcun kapkhat lei ah komh a duhmi party pawl an ttang tti lai tiin ruah khawh a si. Hi ahhin USDP hi hruaitu a si lai i tlangcung parties le NLD in a chuakmi party le ralkap an ikom lai i cozah an ser te lai tiin ruah khawh a si.

Cu ticun USDP hruainak in Parti fonh cozah ‘Coalation goverment’ a si ahcun Thein Sein hi Tamada an pek than khawh men an ti. A ruang cu Thein Shien cozah le Aungsan Suhci cozah hi a cuai thlai veve tikah Thein Sein nih a lerh tuk hringhran. Aung San Suu Kyi hi Thein Sein a tuah ciami ‘Finishing’ hei tuah fangfang a si zia, mithmuh kuttongh a si. El awk a tha lo. El ahcun lih bia sawhsawh a si lai.

A poi khunmi cu Thein Sein nih dai tein Rakhine Muslim kong ‘handle’ a tuah (tawlrel) khawhmi kha Aung San Suu Kyi nih ICJ tiang a mual a vai phaohmi hrim hi le AA ‘hlandle’ a tuahning aa palhmi hrim ah hin a tlin lonak a lang tuk tiin mifim tampi nih an hmuh. President hi aho a chuak lai ti cu theih a si lo. Coalition Goverment nih thimmi nih president a tuan ahcun Pyine le Taing CM cu president nih a thim lai caah kan Lairam ah cun Dr. Hmuh Thang hlei lo midang an um hnga lo. NLD nih cozah a ser ahcun anmah NLD party in CM an tuan ko lai. Cucaah Dr. Hmuh Thang hi tutan ah CM a hmuh nak lam a tam ngai a um.

Tlangcung mi hi NLD he na i fawnh zong ah, USDP le coalation goverment sin an i fawng zong ah, sawmmi an si lai tikah, CM cu an pe hna lai lo. Sawmmi nih president an tuan lai lo, CM zong an pe hna lai lo ti cu theih cia a si ko. Vuanci cu an pek ve ko hna lai. Atu kan Lairam khi hei cuan tuah u sih. ‘Center goverment’ tel loin zei party nihdah Lairam ah cozah a ser khawh lai, tiin.. NLD or USDP nih an serte lai tiin ka tuak. Chin pyine ah kuzale 24 a um i ralkap 6 zuh ah 18 a tang. 18 chung ah 13 hmuh a hau. CNLD hi 13 an hmu lai lo.

A ruang cu an Chairman 3 hna hi an peng le an tlang ah an uar lo bik mi an si hna. An peng le an tlang hrim ah vote an sung lai tiin ka ruah. No Than Kap hi amah a Myone hrim nih an uar lo tuk mi a si. Cucaah CPP Chairman a si ko nain a peng le tlang Falam in a tli i Kawlrawn ah aa cuh. Voi hnih tiang. Anmah Zahau hrim nih, “thuphan long a sim ringring” an ti. A keneh aa dawh lo tuk tiin Falam upa tampi nih an chim i Lian Luai nih a tei ko lai tiin ruah a si.

Pu Zo Zam lam cu chim hau lo, Tidim ah me kuang hmanh a chia ngam lo an ti fawn. Cun Ngai Sak zong hi Matu nih an uar lo ngai.  2015 ah a sung i by election ah matupi ralkap me in a tei an ti. Atu hi USDP aa cuh ve i ralkap nih USDP me an pek lai i Ngai Sak cu cangbawng zatkuat me lawng a co lai i a sung lai an ti fawn. Biadik a si hnga dik maw. CNLD GS le Hakha Chin Usi hrawnghrang cawlcangh lawng a duh i Lal Maung Cung he an i si an ti. Tidim ah le CNLD cu zero an hmuh lai.

Thlanglei Laitlang ah 2,3, hei hmu hna seh, CNLD caah thaw a pit, cozah ser lamlam cu, sawmmi an si lai i vuanci pakhat-hnih an pek vete hna lai tiah ka ruah. CNLD hi Hakha Thantlang long ah mino pawl nih an au khuan pi i a si ko tiin an chim. Si dawh a si ko. Zei a va si zong ah’ Certer cogerment’*khi a biapi i cu center goverment nih Pyine le Taing cu cozah a ser lai caah nan mihthlam in hei cuan cio u law, zei khi dah a chuak te lai.. Zei poah hi ‘logically’ in cuanh a hau rua ka ti. NOTE: September 5. 2020 ah a a rak ttialmi a si. FOTO: Lian Cin / Private / Facebook

By Chuncha