๐—•๐—ฎ๐—ฐ๐—ธ๐—ด๐—ฟ๐—ผ๐˜‚๐—ป๐—ฑ: Vawilei cung ram hi pakhat le pakhat ai peihtlei ning a rang tuk le ram dang miphun hna Australia ram an rak pem chin lengmang caah rian hi a har chin lengmang kha 1996 ah bia tak tein ram miphun nih ceihhmai hram an rak thok. Cozah lei kam in ram mi hna nih rian an tuan i tax an pek lawng ah ram economic power kha a thawng lai ti kha an fian tuk ve caah 1998 ah Parliament pi nih ram mi hna rian kawl piak nak ding caah Cozah nih full bak in fund a pek mi employment service program cu an rak thok. An thok ka ah Job Services Australia tiah min an pek. Job Network ti zong in tam deuh nih an rak auh. 01 July 2015 in a min an thleng lawng siloin reform an tuah i JobActive Program tiah min an pek. Ni hin ni ahcun vawilei cung liberal democracy ram paoh nih hngar mi system pakhat pi ah ai cang.

 

Australian Citizenship | Acacia | Immigration Australia

๐—ฆ๐—ฒ๐—ฟ๐˜ƒ๐—ถ๐—ฐ๐—ฒ๐˜€ ๐—ฎ๐—ป ๐˜€๐—ฒ๐—ฟ ๐—ป๐—ถ๐—ป๐—ด ๐—น๐—ฒ ๐—ฎ๐—ป ๐—ธ๐—ฎ๐—น ๐˜๐—ฒ๐—ฟ ๐—ป๐—ถ๐—ป๐—ด: Service a pe tu hna hi Cozah nih full in fund a pek hna. An thla hlawh ca tiang in a pek chih hna. Service a kal ter ning tu cu Cozah nih a tanglei bantuk hin an then. 1, JobActive (A dam i full-time in rian a tuan kho mi caah) 2, DES (Disability Employment Service) โ€“ Zawtnak, khawndennak le a ruang tampi ruangah full-time in rian a tuan khawh lo mi hna kha DES ah kal ter an si. 3, CDP (Community Development Program) โ€“Australia ram ngeitu hna First Nations miphun hna khuate lei lam hlatnak a um mi hna caah mah program hi a ser. 4, Parents Next (Fa a ngei i an fa le kum 6 tang a si mi hna pawl caah ser mi program a si)

Mah Employment Service an ser thawng in hin kum khat chungah million deng mang kha rian an luh ter khawh hna ram economic pi kha tam pi a bomh. Sihmanhsehlaw, Cozah lei kam in minung pakhat peihtlai tein rian an tuan khawh nak hnga tangka tam tuk a hman. Service a latu (tender a tlaitu) pawl hna kha tangka tampi a pek hna. Abuaktlak in chim ahcun minung pakhat ah mah Cozah employment service chung a lut i kum khat chung training an peknak le rian an kawl piak nak caah Cozah nih mah service a petu hna kha service fee a pek hna. Rian an hmuh in kum khat chung tha tein rian an tuan ahcun mah service a petu hna kha kum khat chung zohkhanh man ah $15,000 โ€“ 26,000 tluk tiang khi an pek hna.

๐—–๐—ผ๐˜‡๐—ฎ๐—ต ๐—ป๐—ถ๐—ต ๐—ฎ ๐˜€๐—ฒ๐—ฟ ๐—บ๐—ถ ๐˜€๐˜†๐˜€๐˜๐—ฒ๐—บ: Cozah nih rian a kawl mi hna chekhlet khawh nak le an cawlcangh ding mi ngiat thlainak caah Cozah nih tawlrel mi website a ser. Cu website cun rian kawl mi an cawlcanghnak vialte kha monitor an tuah dih hna. S๐—ฒ๐—ฟ๐˜ƒ๐—ถ๐—ฐ๐—ฒ ๐—ฎ ๐—ฝ๐—ฒ๐˜๐˜‚ ๐—ต๐—ป๐—ฎ ๐—น๐—ฒ๐—ถ ๐—ธ๐—ฎ๐—บ ๐—ถ๐—ป ๐˜€๐—ฒ๐—ฟ๐˜ƒ๐—ถ๐—ฐ๐—ฒ ๐—ฎ๐—ป ๐—ฝ๐—ฒ๐—ธ ๐—ป๐—ถ๐—ป๐—ด: Rian an kawl piak hna. Rianngeitu (employers) pawl kha an peihtlai piak hna. Holh an thiam le skills an ngei mi cio hoih in epartment of Services Australia nih assessment an tuah hna i stream level an then hna.

Mah assessors a tuah tu hi psychologist le medical assessment training a kai mi an tam bik. Rian tuan bal lo mi kha work placement experience ngei ding an tuah piak hna. Thiamnak an ngei khawh nak hnga upskill tuah dingah certificate silo training a herh mi tete kha an kai ter hna Social Welfare a tawlreltu CentreLink agency le Service a petu hna kha neih niam tein rian an tuan.

๐—ญ๐—ฒ๐—ถ ๐˜๐—ถ๐—ป ๐—ฑ๐—ฎ๐—ต ๐—–๐—ผ๐˜‡๐—ฎ๐—ต ๐—ป๐—ถ๐—ต ๐˜๐—ฒ๐—ป๐—ฑ๐—ฒ๐—ฟ ๐—ฎ ๐—ฝ๐—ฒ๐—ธ ๐—ป๐—ถ๐—ป๐—ด ๐—ต๐—ป๐—ฎ ๐—น๐—ฒ ๐—พ๐˜‚๐—ฎ๐—น๐—ถ๐˜๐˜† ๐—ฐ๐—ผ๐—ป๐˜๐—ฟ๐—ผ๐—น ๐—ฎ ๐˜๐˜‚๐—ฎ๐—ต ๐—ป๐—ถ๐—ป๐—ด ๐—ฎ ๐˜€๐—ถ? Mah Employment Service hi Australia ram ahcun rian har ngai ah chiah mi a si. Aruang cu rian tuan a huam he huam lo mi pawl he rian kawl piak le rian tuan ter kha an rian lian bik a si. Tender a hmuh mi organization paoh cu Cozah system kha direct in hmanter an si. Cozah nih tender a kal ter ning hna cu; 1, Cozah nih tender an auh tikah buu pakhat lawng pek dih ti phun khan a kal ter lo. A zuam ter hna. Area pakhat ah khan service a petu kha pahnih silo pathum tbk in a thim hna.

2, An tender cu contract system in an kal ter. A sau bik kum 1 lawng a si. Kum dih paoh ah a thar in sok ter than lengmang ding in an ser. 3, Performance rating a ser piak hna. Mah cu STAR rating an ti. Rating an tuah ning cu โ€“0 in +5 tiang a kal ter. +4 a hmuh mi khi cu an contract sauh ter lawng a si. 5 STAR a hmuh mi paoh paoh khi cu an contract a him. 4, Asinain, -2 a hmuh mi organization le area paoh kha cu contract a dih tikah an him ti lo.

Mah ti in pakhat le pakhat zuam cawh kho ding in Cozah lei kam in system a ser caah quality an control ning hi a tha kho tuk. Cucaah, Australia ram in Canda, England, Germany le Spain te hna tiang khi Employment Services lei kong ahcun an cawn piak hna. An chim hna. Lecture an pek hna kan ti lai cu. Australia lawng hi Cozah nih full in find a pek mi system a hmang mi kan si caah an thiam bik ti kha an pom ve. Japan zong nih bia tak tein Australian model hmang ve ding in timhlamh nak a ngei cuahmah ve ti a si.

Kawlram zong taxation system (tax peknak) ser khawh ahcun mah bantuk employment service system zong hi ser khawh a si ve te ko lai ka zumh. Ram mi kha rian an tuan i tax an pek lawnglawng ah ram a thancho bantuk in cu rian an tuan khawh nak ahcun Employment Service hi a rak biapi ngai ve mi a si. Note: Mah employment service kong hi cauk tampi in tial le Cozah policy papers ah tampi chung in a tawi fiang bik in cher mi an si. Credit: Sang Hre

By Chuncha

Leave a Reply

Your email address will not be published.